"ზუგდიდიში საარჩევნო უბანზე შეფერხება იყო, ამ დროისთვის ხმის მიცემის პროცესი მშვიდ გარემოში მიმდინარეობს"- ცესკო

პოლიტიკა - 09:35, 22 Oct, 2016

1576

საქართველოს ცენტრალურ საარჩევნო კომისიაში პირველი საინფორმაციო ბრიფინგი გაიმართა. ცესკოს სპიკერის, ანა მიქელაძის განცხადებით ყველა საარჩევნო უბანი დროულად გაიხსნა, თუმცა ზუგდიდში ერთ-ერთ საარჩევნო უბანზე იყო მცირედი შეფერხება.

"ზუგდიდიში, ერთ-ერთ საარჩევნო უბანზე შეფერხება იყო დენის თვალსაზრისით, არ იყო დენი, თუმცა უბანი გაიხსნა დროულად, მათ მოახერხეს მუშაობა და უკვე 07:45 წუთზე კენჭისყრისწინა პროცედურები უკვე განხორციელებული ჰქონდათ და ამ დროისათვის ელოდნენ პირველი ამომრჩევლის მისვლას. მოგეხსენებათ, პირველ ამომრჩეველს შეუძლია ხმა მისცეს 8 საათის შემდეგ. შესაბამისად, მიუხედავად ამ შეფერხებისა, მათ მაინც მოახერხეს მუშოაბა, მოამზადეს ყველა შესაბამისი მასალა, რაც საჭირო იყო. ასევე, განახორციელეს კენჭისყრისწინა პროცედურები და ამ დროისათვის ყველა საარჩევნო უბანზე ხმის მიცემის პროცესი მიმდინარეობს მშვიდ ვითარებაში"- აღნიშნა ანა მიქელაძემ.

საქართველოს პარლამეტის არჩევნების მაჟორიტარული საარჩევნო სისტემით განმეორეიბითი კენჭისყრა ორი მაჟორიტარული ოლქის 4 საარჩევნო უბანზე განმეორებით მიმდინარეობს.

ზუგდიდის მუნიციპალიტეტის სოფელ ჯიხაშკარში განმეორებითი კენჭისყრა ორ საარჩევნო უბანზე, სოფელ განმუხურში კი, ერთ საარჩევნო უბანზე ტარდება.
ზუგდიდში სამ უბანზე ზუგდიდის მუნიციპალიტეტის გამგებლის რიგგარეშე არჩევნების განმეორებითი კენჭისყრც მიმდინარეობს.

განმეორებითი კენჭისყრა მიმდინარეობს მარნეულის მუნიციპალიტეტის სოფელ ყიზილაჯლოს ერთ საარჩევნო უბანზე.