„გირჩი“ საარჩევნო ბარიერის ერთ პროცენტამდე დაწევის ინიციატივით გამოდის

პოლიტიკა - 14:24, 21 Oct, 2016

1507

„გირჩი“ ახალი, მე-9 მოწვევის პარლამენტს მიმართავს და რამდენიმე ინიციატივას სთავაზობს.

ინიციატივის ავტორები, ამბობენ, რომ ორი კვირის განმავლობაში გახშირდა საუბარი საკონსტიტუციო ცვლილებების შესახებ. ჯერჯერობით, განხილვის თემებია ერთი პარტიის ხელში საკონსტიტუციო უმრავლესობის მოხვედრის საფრთხე, ხოლო საშიშროებად დასახულია პარლამენტის ქუთაისიდან თბილისში გადმოტანა, პრეზიდენტის არჩევის წესის შეცვლა ისე, რომ მას საყოველთაო სახალხო არჩევნების ნაცვლად პარლამენტი ირჩევდეს და კონსტიტუციით ოჯახის თუ ქორწინების შინაარსის განსაზღვრა.

„ ბოლო ორი კვირის განმავლობაში გახშირდა საუბარი საკონსტიტუციო ცვლილებების შესახებ. ჯერჯერობით, განხილვის თემებია ერთი პარტიის ხელში საკონსტიტუციო უმრავლესობის მოხვედრის საფრთხე, ხოლო საშიშროებად დასახულია პარლამენტის ქუთაისიდან თბილისში გადმოტანა, პრეზიდენტის არჩევის წესის შეცვლა ისე, რომ მას საყოველთაო სახალხო არჩევნების ნაცვლად პარლამენტი ირჩევდეს და კონსტიტუციით ოჯახის თუ ქორწინების შინაარსის განსაზღვრა.

კონსტიტუცია მნიშვნელოვანი დოკუმენტია, რომელიც განსაზღვრავს ქვეყნის განვითარების შესაძლებლობასა და მის მომავალს. სწორედ ამიტომ, როდესაც ვსაუბრობთ კონსტიტუციაში ცვლილებების შეტანაზე, პირველ რიგში უნდა გვესმოდეს, რა სჭირდება ყველაზე მეტად ქვეყანას უახლოეს მომავალში, არსებული გამოწვევების გათვალისწინებით, ისევე, როგორც გრძელვადიან პერსპექტივაში ძლიერ ევროპულ სახელმწიფოდ ჩამოყალიბებისთვის და რაზე არის შესაძლებელი კონსესუსის მიღწევა მომავალ პარლამენტში, გამომდინარე იმ დაპირებებიდან, რომლებიც საკანონმდებლო ორგანოში გასული პოლიტიკური პარტიების მიერ წინასაარჩევნოდ იქნა გაცემული. გირჩი მიიჩნევს, რომ ქვეყნის წინაშე არსებული მთავარი გამოწვევა ეკონომიკის ზრდის დაბალი ტემპია. მთავარი მიზეზი, რომელიც სწრაფ განვითარებაში გვიშლის ხელს, არის ეკონომიკური და პოლიტიკური გარემოს არასტაბილურობა. შესაბამისად, ჩვენი აზრით, უახლოეს პერიოდში, საშუალო და გრძელვადიან პერსპექტივაში ყველაზე მნიშვნელოვანი ორი საკითხი, რომელიც უკეთესად უნდა დარეგულირდეს საკონსტიტუციო დონეზე, არის - პოლიტიკური სტაბილურობისა და სწრაფი ეკონომიკური განვითარებისთვის აუცილებელი კონსტიტუციური გარანტიები. პოლიტიკური სტაბილურობისთვის მნიშვნელოვანია არსებითად შეიცვალოს საარჩევნო სისტემა, რაც ხელს შეუწყობს პოლიტიკური გაერთიანებების ადეკვატურ წარმომადგენლობას პარლამენტში: 1. უნდა გაუქმდეს მაჟორიტარული არჩევნები; 2. შემოღებულ უნდა იქნას სრულად პროპორციული სისტემა ან ნაწილობრივ პროპორციული-ნაწილობრივ რეგიონულ-პროპორციული სისტემა; 3. საარჩევნო ბარიერი უნდა იქნას დაწეული 1%-მდე. სწრაფი ეკონომიკური განვითარებისთვის მნიშვნელოვანია ეკონომიკური გარემოს სტაბილურობის საკონსტიტუციო ჩამკეტი მექანიზმების შექმნა: 1. ნაერთი ბიუჯეტის ხარჯებისა და არაფინანსური აქტივების ზრდის მთლიანი მოცულობის შეფარდება მთლიან შიდა პროდუქტთან არ უნდა აღემატებოდეს 15%-ს; 2020 წლისთვის ეს მაჩვენებელი უნდა შემცირდეს 22%-მდე, ხოლო 2024 წლისთვის 15%-მდე; 2. ნაერთი ბიუჯეტის დეფიციტი უნდა იყოს დაუშვებელი; 3. მთავრობის ვალის შეფარდება მთლიან შიდა პროდუქტთან არ უნდა აღემატებოდეს 15%-ს; 2020 წლისთვის ეს მაჩვენებელი უნდა შემცირდეს 30%-მდე, ხოლო 2024 წლისთვის 15%-მდე; 4. 2018 წლისთვის ქვეყანა უნდა გადავიდეს თავისუფალ სავალუტო რეჟიმზე; გადასახადების აკრეფა უნდა მოხდეს დოლარში. ჩვენი აზრით, ეს არის ყველაზე მოკლე რეცეპტი საქართველოში დღეს არსებული მთავარი გამოწვევების საპასუხოდ და ამ საკითხების განხილვით უნდა იყოს დაკავებული როგორც პოლიტიკური სპექტრი, ისე სამოქალაქო საზოგადოება"- მიიჩნევენ გირჩში