,,ჩავიდეს თავის ქმართან, პრობლემები დღეს უკრაინას აქვს თუ აქვს“

,,ჩავიდეს თავის ქმართან, პრობლემები დღეს უკრაინას აქვს თუ აქვს“ - ხაინდრავა სანდრა რულოვსზე

პოლიტიკა - 12:40, 21 Oct, 2016

7174

მაჟორიტარი კანდიდატების შესახებ ისაუბრა, კინორეჟისორმა გოგა ხაინდრავამ „კვირას“ პრესკლუბში გამართულ პრესკონფერენციაზე და სანდრა რულოვსს უკრაინაში წასვლა ურჩია.

ხაინდრავა რულოვსის სამეგრელოში წამოწყებულ საარჩევნო კამპანიას მიზანმიმართულ პროვოკაციას უწოდებს.
“რატომ აირჩია რულოვსმა სამეგრელო? იმიტომ, რომ იქ ეგულება „ნაციონალების“ ბუდე – კოდუების, ახალაიების მხარდამჭერები, ასევე მეგის ქარდავების. იქ ეგულება მას დასაყრდენი, ვერ დავიჯერებ, რომ სანდრა რულოვსი საქართველოს პრობლემებმა შეაწუხა, დავიჯერო, რომ მის სამშობლოს ჰოლანდიას ან უკრაინას არ აქვს პრობლემები? ჩავიდეს თავის ქმართან, პრობლემები დღეს უკრაინას აქვს თუ აქვს,“ – განაცხადა ხაინდრავამ „კვირას“ პრესკლუბში გამართულ პრესკონფერენციაზე.

ხაინდრავამ გიგი წერეთელს და კობა ნარჩემაშვილზეც ისაუბრა და ქუთაისელებს გონივრული არჩევანის გაკეთებისკენ მოუწოდა.

“კობა ნარჩემაშვილთან მე წლების წინ მქონდა პიროვნული დაპირისპირება, მაგრამ ამ ადამიანს ღირსება არ დაუკარგავს არც მაშინ და არც შემდგომ. იმ პერიოდის ხელისუფლებაში თუ ვინმეს ჰქონდა ღირსება, ეს იყო კობა ნარჩემაშვილი. ამ ყველაფრის ფონზე, როცა „რესპუბლიკელი“ თამარ კორძაია არჩევანს აკეთებს გიგი წერეთელზე, აღარ უნდა უკვირდეთ „რესპუბლიკელებს“ ის შედეგი, რაც მიიღეს, რადგან გიგი წერეთელი იყო „კომკავშირის წევრი“, „მოქკავშირის“ წევრი,“ ნაც კავშირის“ წევრი და, როცა ასეთ ადამიანს ირჩევ, ის პროცენტიც ბევრია, რაც მიიღეს, დასკვნა კი ამომრჩეველმა გააკეთოს,“ – განაცხადა ხაინდრავამ.