"ბოკერია გარიგებაშია ივანიშვილთან, საქმეები რომ არ ამოუქექონ და არ დაიჭირონ"- ნათელაშვილი (ვიდეო)

პოლიტიკა - 12:22, 20 Oct, 2016

13888

„ლეიბორისტული პარტიის“ ლიდერი შალვა ნათელაშვილი „ნაციონალური მოძრაობის“ საგარეო მდივანს, გიგა ბოკერიას ივანიშვილთან გარიგებაშ ადანაშაულებს. ნათელაშვილის თქმით, ის რომ ნაციონალური მოძრაობა ცდილობს არჩევნებს ლეგიტიმაცია შესძინოს სწორედ ბოკერია-ივანიშვილის შეთანხმებაა, ამის მიზეზად კი ნათელაშვილი ბოკერიას წინააღმდეგ არსებულ კომპრომატებს ასახელებს:

„სამოქალაქო საზოგადოების ეს მიმართვა შედგენილია ბოკერიას კარნახით, რომელიც გარიგებაშია ივანიშვილთან, ივანიშვილის მის მიმართ გააჩნია სერიოზული კომპრომატები ციხის ბუნტის დროს, მის გაცემულ ბრძანებასთან დაკავშირებით, რასაც მოჰყვა პატიმრების ჩახოცვა და სერიოზული ექსცესები, რომელსაც კინაღამ მეც შევეწირე, რადგან ვმორიგეობდი ტყვიების წვიმაში. შესაბამისად ახლა რასაც ეტყვიან ბატონ ბოკერიას, ისიც იმას აკეთებს. ახლა უთხრეს რომ არჩევნებმა ლეგიტიმაცია უნდა გაიაროს და ამისათვის საჭიროა მეორე ტურში „ნაციონალური მოძრაობის“ აქტიურობა, რომ საერთაშორისო ორგანიზაციებმა და დამკვირვებლებმა დააფიქსირონ მეორე ტურში დემოკრატიული კონკურენციის არსებობა . პირველ ტურში მოილაპარაკეს და ეს ხმები გაიყვეს. ერთმანეთს ხელი არ შეუშალეს. ნაცმოძრაობამ არ დაწერა ოქმები და არ გადაიღო ის ვიდეოკადრები რაც ხდებოდა მათ თვალწინ.

ნაცმოძრაობა არის ბოკერიას ჯგუფი. ის სააკაშვილი ოდესიდან ან გადმოსცემს ან არ გადმოსცემს. იმას იქ თავისი კარავი აქვს. შეიძლება ითქვას რომ სააკაშვილს აღარ ემორჩილებიამ. ახლა არიან თვითგადარჩენის ინსტიქტზე. სააკაშვილს უნდა მაქსიმუმი, ის მაქსიმალისტია და დაახლოებით ისე უნდა დაბრუნება, როგორც ნაპოლეონი შევიდა პარიზში. ამათ კი უფრო ვიწრო ინტერესები აქვთ, რომ საქმეები არ ამოუქექონ და არ დაიჭირონ. ციხეში სროლის ბრძანების ბოკერია ციხეში უნდა იჯდეს. ეცერში მომხდარის გამო ციხეში უნდა იჯდეს ბარამიძე. იმისათვის რომ ციხეში არ წავიდნენ წინ აფარებული ყავთ ნაცმოძრაობის ჯგუფი და მიდის ვაჭრობა“- განაცხადა შალვა ნათელაშვილმა.