,,ახალი თავმჯდომარის მიმართ უნდა არსებობდეს მაღალი ნდობა, რომ ის არ არის ხელისუფლების გავლენის ქვეშ“

,,ახალი თავმჯდომარის მიმართ უნდა არსებობდეს მაღალი ნდობა, რომ ის არ არის ხელისუფლების გავლენის ქვეშ“ - მშვენიერაძე

პოლიტიკა - 11:32, 20 Oct, 2016

1356

არასამთავრობო ორგანიზაცია „საქართველოს დემოკრატიული ინიციატივას“ თავმჯდომარის გიორგი მშვენიერაძის შეფასებით საკონსტიტუციო სასამართლოს თავმჯდომარე საზოგადოებაში უნდა აჩენდეს ნდობას, რომ სასამართლო დამოუკიდებელი და მიუკერძოებელია.
„ახალ თავმჯდომარეს კარგად უნდა ესმოდეს, რომ ის იქნება არა მხოლოდ მოსამართლე, არამედ სასამართლოს წარმომადგენელი მესამე პირებთან ურთიერთობაში და მის მიმართ უნდა არსებობდეს საზოგადოების მაღალი ნდობა. მისი პროფესიული უნარ-ჩვევები საზოგადოებაში უნდა აჩენდეს ნდობას, რომ სასამართლო არის დამოუკიდებელი, მიუკერძოებელი და არ არის რომელიმე პოლიტიკური ჯგუფის, მათ შორის პირველ რიგში ხელისუფლების გავლენის ქვეშ“ - განაცხადა გიორგი მშვენიერაძემ
დღეს 16:00 საათზე საკონსტიტუციო სასამართლო ახალ თავმჯდომარეს ირჩევს, კანდიდატებს შორის არიან ირინა იმერლიშვილი და ზაზა თავაძე.

დღეს გახდება ცნობილი ვინ უხელმძღვანელებს საკონსტიტუციო სასამართლოს. თავმჯდომარის ასარჩევად კენჭისყრა დღეს, 16:00 საათზე გაიმართება. საკონსტიტუციო სასამართლოს პლენუმის 8 წევრი ორ კანდიდატს შორის გააკეთებს არჩევანს.

მოსამართლეების ნაწილმა თავმჯდომარეობის კანდიდატურად ირინა იმერლიშვილი დაასახელა, ნაწილმა კი - ზაზა თავაძე. იმისათვის, რომ წარმოდგენილი კანდიდატიდან ერთ-ერთი გახდეს საკონსტიტუციო სასამართლოს თავმჯდომარე, მას პლენუმის მინიმუმ 5 წევრის მხარდაჭერა ესაჭიროება.