"ჯგუფის შექმნის შემთხვევაში ვითანამშრომლებთ, თუმცა ხელისუფლების გულწრფელობაში ეჭვი გვეპარება"

"ჯგუფის შექმნის შემთხვევაში ვითანამშრომლებთ, თუმცა ხელისუფლების გულწრფელობაში ეჭვი გვეპარება" - სამუშია

პოლიტიკა - 17:10, 19 Oct, 2016

2090

პრემიერის ინიციატივას, რომ საქართველოს კონსტიტუციაში ცვლილებების შეტანის მიზნით სპეციალური სამუშაო ჯგუფი უნდა შეიქმნას "თავისუფალი დემოკრატებშიც" გამოეხმაურნენ.
როგორც "ნიუპოსტს" საკითხის კომენტირებისას ლევან სამუშიამ განუცხადა, "თავისუფალი დემოკრატები" სამუშაო ჯგუფის შექმნის შემთხვევაში მზად არიან მონაწილეობა მიიღონ საკონსტიტუციო ცვლილებების განხილვაში და საკუთარი ინიციატივები შესთავაზონ კანონმდებლებს. თუმცა რამდენად იქნება გათვალისწინებული ოპოზიციისა და არასამთავრობო სექტორის დირექტივები უმრავლესობის მიერ სამუშიას ამის დაჯერება უჭირს.
კვირიკაშვილის მიერ დღეს გაჟრერებული ინიციატივის სისრულეში მოყვანა და ჯგუფის დაჯერება უჭირს.

"ჯგუფის შექმნის შემთხვევაში მზად ვართ მონაწილეობა მივიღოთ და ინიციატივები, შევთავაზოთ ხელისუფლებას კონსტიტუციის შესაცვლელად. რამდენად გაითვალისწინებს ამას ხელისუფლება და რამდენად იქნება ეს ყოველივე რეალური, ამაზე კითხვის ნიშნები არსებობს. რაც შეეხება ამ პროცესში პრეზიდენტის თანამონაწილეობას ეს მხოლოდ მისასალმებელია "- აღნიშნა სამუშიამ.
"თავისუფალი დემოკრატების" ერთ-ერთი ლდერი პრემიერის კიდევ ერთ განცხადებას გამოეხმაურა, რომლის მიხედვითაც "ქართულ ოცნებას" საკონსტიტუციო უმრავლესობა სჭირდებათ იმისთვის, რომ დანაპირები შეასრულონ.
"ჩვენ ვხედავთ, რომ საკონსტიტუციო უმრავლესობასთან დაკავშირებით "ქართული ოცნების" ხელისუფლება საუბრობს, რომ მათ ეს უმრავლესობა სჭირდებათ რათა დანაპირები შეასრულონ, თუმცა მინდა შევახსენო მათ, რომ სასამართლო ან პროკურატურის რეფორმას არ სჭირდებოდა საკონსტიტუციო უმრავლესობა. ამას სჭირდებოდა უბრალო უმრავლესობა, რომელიც ხელისუფლებას 4 წლის განმავლობაში ჰქონდა. არც ერთი ეს დაპირება არ შესრულდა, ამიტომ მათ გულწრფელობასთან დაკავშირებით კითხვის ნიშნები არსებობს"- უთხრა "ნიუპოსტს" სანუშიამ.