ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი არასამთავრობო ორგანიზაციების ნაწილის კამპანიას არჩევნების მეორე ტურთნ დაკავშირებით ეხმაურება. სოზარ სუბარი ამ ყოველივეს „სასაცილოს“ უწოდებს:

„ყველა ის ადამიანი, ვინც ამ კამპანიაში მონაწილეობს არის „ნაციონალური მოძრაობის“ მხარდამჭერი. ამას ჰქვია, მხარი დავუჭიროთ „ნაციონალურ მოძრაობას“, მხარი დავუჭოროთ მიხეილ სააკაშვილს., მხარი დავუჭიროთ ადამიანის წამებას, კერძო საკუთრების შელახვას და ყველაფერ საშინელებას, რაც ხდებოდა 9 წლის განმავლობაში. თვითონ სათაურიც და მიმართვის ადრესატებიც, სასაცილოა. როდესაც საუბრობენ, რომ პროდასავლურ ძალებს მიმართავენ, ჩამონათვალში არის „ლეიბორისტული პარტია“, რომელსაც არც დასავლეთი, არც აღმოსავლეთი, არც სამხრეთი და არც ჩრდილოეთი, ეს არის ხმა წარსულიდან და მეტი არაფერი, როდესაც მიმართავენ ბურჭულაძეს, რომელიც კრემლიდან ნებისმიერ დასტვენაზე კონცერტებს აწყობს და უმღერის, ან ნაციონალურ მოძრაობას, დასავლეთში იყო ჰიტლერი, რომელიც ატარებდა ფაშისტურ პოლიტიკას, რომელსაც ისინი ატარებენ ახლა. სხვა კავშირი დასავლეთთან „ნაციონალურ მოძრაობას“ არ აქვს. თუ ვლაპარაკობთ დასავლეთზე, თუ ვლაპარაკობთ ღირებულებებზე, რომელისკენაც ჩვენი ქვეყანა მიდის, ეს არის ადამიანის უფლებების პატივისცემა“, - განაცხადა სოზარ სუბარმა.