არჩევნების მეორე ტურის წინ ოპოზიციის წარმომადგენლები კომენტარებს აკეთებენ და საკონსტიტუციო უმრავლესობის საფრთხეებზე საუბრობენ. „ნაციონალური მოძრაობა“ იმედოვნებს, რომ ამომრჩევლები აქტიურად მიიღებენ მონაწილეობას მეორე ტურებში და „ქართული ოცნება“ საკონსტიტუციო უმრავლესობას ვერ მოაგროვებს.

აღნიშნულ საკითხზე საუბრობს ეკა ბესელიაც, რომელიც განმარტავს იმ მიზეზებს თუ რამ განაპირობა მეორე ტურები:

“მეორე ტური განაპირობა არა იმან, რომ ჩვენ არ გვქონდა მხარდაჭერა, არამედ იმან, რომ ჩვენ თავად მივიღეთ გადაწყვეტილება და 50%-იანი ბარიერი შემოვიტანეთ, რითიც სწორედ გრძელვადიანი დემოკრატიული პროცესისთვის გადავდგით ნაბიჯები. მე დარწმუნებული ვარ, რომ ჩვენი მოსახლეობა დაუჭერს მხარს რომ ქართულ ოცნებას ჰქონდეს ეს უმრავლესობა, იმისთვის, რომ გადაწყვეტილებების მიღება შესაძლებელი იყოს იმ გუნდის მიერ, რომელსაც უმრავლესობის მანდატი მისცა ამომრჩეველმა,“-განაცხადა ეკა ბესელიამ.