ალასანიას ყოფილი გუნდი ხელისუფლებაში - ,,ყველას აქვს საკუთარი გადაწყვეტილება“

პოლიტიკა - 22:33, 18 Oct, 2016

1899

ირაკლი ალასანიას განცხადებით, პარტიის იმ ყოფილ წევრებს, რომლებმაც „თავისუფალი დემოკრატები“ დატოვეს პოლიტიკური ვალდებულებები მოხსნილი აქვთ და თავისუფალი გადაწყვეტილების უფლება აქვთ, ამის შესახებ ალასანიამ გადაცემა არჩევანში, პარტიიდან წასულ თანაგუნდელებზე დასმული შეკითხვის საპასუხოდ ისაუბრა, გიორგი გაბუნიამ „თავისუფალი დემოკრატების“ ყოფილ ლიდერს შეკითხვა დაუსვა, რა აზრის იქნებოდა იმაზე, „თავისუფალი დემოკრატების“ ყოფილი წევრები „ქართული ოცნების“ მაღალ თანამდებობაზე რომ აღმოჩნდნენ

„რაც შეეხება ჩამოთვლილ ჩემს თანამებრძოლებს, ჩვენ ცხოვრებაში თანამებრძოლებად ვრჩებით და ძალიან ახლოს ვართ. ისინი სახელისუფლებო თანამდებობებიდან წამოვიდნენ , იმდენი რამე გავიარეთ ერთად რომ მუდამ თანამოაზრეებად დავრჩებით. ჩვენ ერთმანეთს ინდივიდუალურ სივრცეებსაც ვუტოვებთ. მე არ მგონია, რომ ეს იყო პრობლემა. ეს არის თავისუფალი არჩევანი, თავისუფალი დემოკრატები გამოვირჩეოდით პროფესიონალების გუნდით, მე ვფიქრობ რომ რომ დაკარგული იქნება რესურსი თუ ისინი სახელმწიფოს მშენებლობაში მიღებაზე უარს იტყვიან. ყველას აქვს საკუთარი გადაწყვეტილების უფლება. ვინც დატოვა პარტია ჩვენ ერთმანეთს სრულად მოვუხსენით პოლიტიკური ვადლებულებები, საკუთარი გადაწყვეტილებები თვითონ უნდა მიიღონ. ყველა ადამიანი თავის გადაწყვეტილებაზე თვითონ აგებს პასუხს. მე არ ვაპირებ არანაირ სახელმწიფო სამსახურში მუშაობას. მე ვაპირებ საინტერესო და სასარგებლო საქმის კეთებას, მაგრამ არა სახელმწიფო სამსახურში.“- განაცხადა ირაკლი ალასანიამ.