სამოქალაქო საზოგადოების მოწოდება ამომრცევლებისადმი, რომ მათ მეორე ტურებში ოპოზიციის კანდიდატებს დაუჭირონ მხარი, საქართველოს ფინანსთა მინისტრი ეხმაურება. ნოდარ ხადური დარწმუნებულია, რომ „ქართული ოცნება“ მოსახლეობის ნდობას ღირსეულად გაართმევს თავს როგორც პარლამენტში, ასევე მთავრობაში:

"სწორედ "ქართული ოცნების" მმართველობის პერიოდში მოეწერა ხელი ევროკავშირთან ასოცირების ხელშეკრულებას, რეალურად დასრულების ფაზაზეა მისული ევროკავშირთან უვიზო მიმოსვლა. საქართველოს მთავრობამ ბოლო 4 წლის განმავლობაში გადადგა უპრეცენდენტოდ დიდი ნაბიჯები ნატო-სა და ევროკავშირის მიმართულებით. ასე, რომ არავის დედამიწის ზურგზე, გარდა იმისა, ვისაც არ უნდა ეს დაინახოს, ეჭვი არ ეპარება, "ქართული ოცნების" პროდასავლურობაში. რაც შეეხება საკონსტიტუციო უმრავლესობას, საქართველოს მოსახლეობა არის ბრძენი, მათ ნდობა უკვე გამოუცხადეს "ქართულ ოცნებას", მე დარწმუნებული ვარ, რომ "ქართული ოცნება", როგორც პარლამენტში, ასევე მთავრობაში, ღირსეულად გაართმევს ამ ნდობას თავს", - განაცხადა ხადურმა.