იუსტიციის მინისტრის მიერ გაკეთებულ განცხადებას, რომლის მიხედვითაც "სტრასბურგის სასამართლომ მერაბიშვილის საქმეზე საქართველოს მთავრობის საჩივარი დააკმაყოფილა" სიცრუეს უწოდებს ვანო მერაბიშვილის ადვოკატი ოთარ კახიძე.

როგორც "ნიუპოსტს" ადვოკატმა განუცხადა, საქართველოს ხელისუფლების მიერ გასაჩივრებულ სარჩელს დაცვის მხარე ისევე მოიგებს, როგორც ეს მოხდა სტრასბურგის კოლეგიაში.

"იუსტიციის მინისტრი ტყუის, როცა ამბობს, რომ სტრასბურგის სასამართლომ მერაბიშვილის საქმეზე საქართველოს მთავრობის საჩივარი დააკმაყოფილა, ეს ასე არ არის არ დაუკმაყოფილებია. სტრასბურგის სასამართლოს დიდი პალატის პანელმა მიიღო განსახილველად საჩივარი. ამ საჩივარს განიხილავს დიდი პალატა და დიდ პალატაში ისევე დავამარცხებთ იუსტიციის სამინისტროს, როგორც 8 მოსამართლისგან შემდგარ კოლეგიოაში დავამარცხეთ"- აღნიშნა კახიძემ.