"ერთი პირი დააკავეს იარაღის უკანონო ტარების ბრალდებით და არა ამ საქმეზე"

"ერთი პირი დააკავეს იარაღის უკანონო ტარების ბრალდებით და არა ამ საქმეზე" - თარგამაძე შსს-ს განცხადებაზე

პოლიტიკა - 19:08, 17 Oct, 2016

1807

„ნაციონალური მოძრაობის“ ერთ-ერთი ლიდერი გივი თარგამაძე მისი მანქანის აფეთქებაში ბრალდებულის დაკავებას გამოეხმაურა.

გივი თარგამაძე აცხადებს, რომ აღნიშნული პირი არა მის განზრახ მკვლელობის მცდელობის საქმეზეა დაკავებული, არამედ მას იარაღის უკანონო შეძენა-შენახვა ტარება ედება ბრალად.

"ერთი ადამიანი დააკავეს, მხოლოდ იმიტომ, რომ მათ ბრალდებულთან ნათესაურ კავშირში იყო, იარაღის უკანონო შეძენა შენახვისთვის დააკავეს და არა ამ საქმესთან კავშირში, ეჭვი მაქვს, რომ მხოლოდ იმიტომ დაააკავეს, რომ ამ საქმეზე ვინმე მაინც დაეკავებინათ. საქმე გახსნილად ითვლება მაშინ, როცა ყველა დეტალია დადგენილი. ასაფეთქებელი რამდენიმე მასალა წარმოადგინეს, მექანიზმიც, მაგრამ რომლით მოხდა აფეთქება არ თქვეს,"- განაცხადა გივი თარგამაძემ.

დეპუტატი საქმეზე კვალიფიკაციის შეცვლას მოითხოვს.

"ეს იყო კლასიკური ტერაქტი და ამის აღიარებაც არ უნდათ, ამის მერე როგორ შეიძლება რამე ნდობაზე იყოს აქ საუბარი. ჯერჯერობით წარმოდგენილი რაც არის ის არ იძლევა საფუძველს ან ენდობოდე ან არ ენდობოდე გამოძიებას. ერთსაც დავსძენ, რომ იმდენად წინასაარჩევნოდ იყო ეს გაკეთებული, რომ ინტერესი დაკარგეს, მე არ ვლაპარაკობ ამ შემთხვევაში შინაგან საქმეთა სამინისტროს გამომძიებლებზე, მაგრამ ისნი არიან იძულებულები თითოეულ დეტალს დაეკითხონ პროკურატურას, პროკურატურიდან პასუხიები მოდის 2 დღეში 3 დღეში. მაგალითად სამედიცინო ექსპერტიზა, რომ უნდა ჩაეტარებინათ, დროდა დრო ახსენდებათ და მერე ისევ ავიწყდებათ, რამეს კი არ შეცვლის ეს მაგრამ წესია უბრალოდ და კიდევ მე ვთხოვე ჩემი მეუღლის მანქანის შეოწმება ჯერ კიდევ 6 რიცხვში, რაზეც მითხრეს რომ ეს განხორცილედება რაზეც დღემდე თავი არ შეუწუხებინათ. მე ერთხელ ვარ დაკითხული მოწმედ 6 რიცხვში და შემდეგ ისიც კი მიჭირს ჩემი საკუთარი ნივთები დავივიბრუნო"- აცხადებს დეპუტატი.

თარგამაძისთვის გაუგებარია, საიდან დადგინდა, რომ შსს-ს მიერ გავრცელებულ კადრებში ხეჩუაშვილია გამოსახული.