"ქართული ოცნების" ერთ-ერთი ლიდერი დიმიტრი ხუნდაძე ადასტურებს, რომ 2017 წლის ბიუჯეტში არ არის წინასაარჩევნო დანაპირები შეტანილი.

უმრავლესობაში ამ ყველაფერს საარჩევნო კოდექსს და საარჩევნო კოდექსით გათვალისწინებულ ვალდებულებებს უკავშირებენ.

„ჩვენ მზად ვართ იმისათვის, რომ 2017 წლის მესამე კვარტალიდან, ქვეყანაში ამოქმედდეს დაგროვების საპენსიო სისტემა. ამის საკანონმდებლო ბაზა უკვე მომზადებულია. იქნება პენსიების მატება, მაგრამ ეს იქნება, რა თქმა უნდა, ეტაპობრივი და თანმხვედრი ეკონომიკის ზრდის მაჩვენებელთან,“ - განაცხადა დიმიტრი ხუნდაძემ.

მომავალი წლის ბიუჯეტის საბოლოო განხილვა უნდა გაიმართოს საფინანსო საბიუჯეტო კომიტეტში. დეპუტატებმა შენიშვნებზე უნდა იმსჯელონ და პროექტი მთავრობას დაუბრუნონ ჩასასწორებლად.

2017 წლის ბიუჯეტი 4%-იან ეკონომიკურ ზრდაზეა გათვლილი.

ერთიანი ნაციონალური მოძრაობის წარმომადგენელ მიხეილ მაჭავარიანის განცხადებით, საპარლამენტო უმცირესობა ბიუჯეტის განხილვასთან დაკავშირებით შეკრებას არ აპირებს.