„ერთიანი ნაციონალური მოძრაობის“ ლიდერები დიპლომატიური კორპუსის წარმომადგენლებს შეხვდნენ. შეხვედრისას საუბრის მთავარი თემა საპარლამენტო არჩევნები და გამოვლენილი დარღვევები იყო.

ოპოზიციური პარტიის წევრებმა დიპლომატებს დარღვევებთან დაკავშრებული რამდენიმე ფაქტი წარუდგინეს და გაუზიარეს მოსაზრება, რომ „ქართულ ოცნებას“ საქართველოს პარლამენტში უმრავლესობა არ უნდა ჰქონდეს:

„დიპლომატიურ კორპუსს გავაცანით დეტალურად ის დარღვევები, რომელსაც ადგილი ჰქონდა არჩევნების დღეს, ხმების დათვლის პროცესში. კიდევ ერთხელ გავაცანით ყველა პრობლემა, რომელიც იყო არჩევნების დღემდე, იმიტომ რომ ჩვენ მიგვაჩნია, რომ საერთაშორისო თანამეგობრობა არ იყო სათანადოდ მომზადებული გაყალბების იმ ხარისხისთვის, რომელსაც ადგილი ჰქონდა არჩევნების დღეს,“ - განაცხადა სალომე სამადაშვილმა.