გიორგი ვოლსკი თარგამაძის მანქანის აფეთქებას სააკაშვილს უკავშირებს

პოლიტიკა - 15:37, 17 Oct, 2016

2070

„ქართული ოცნების“ წევრი გიორგი ვოლსკი, „ენმ“-ს წევრის გივი თარგამაძის მანქანის აფეთქების ფაქტს ეხმაურება და აღნიშნავს, რომ ეს სააკაშვილის ინტერესში შედის და მას ამაზე არაერთხელ უსაუბრია.

„სცენარში ვგულისხმობ იმას, რასაც ღია და ფარული ჩანაწერებით საუბრობენ სააკაშვილი და მისი მოკავშირეები, თუ თანაგუნდელები, რასაც ჰქვია დამხობა, არეულობა, კრიზისი შექმნა, მკვლელობების გახშირება, ასეულობით მკვლელობა მოხდებაო - ასე ამბობდა სააკაშვილი „ფორბსთან“ ინტერვიუში. რომელიც მრავალგზის იყო ტირაჟირებული „რუსთავი 2“-ის მიერ. ჩამოიშლება ბიუჯეტი, დაინგრევა ეკონომიკა და ჩვენ ამ დროით უნდა ვისარგებლოთ და არ უნდა მივიყვანოთ და დავამხოთ ბიძინა ივანიშვილის რეჟიმიო. შემდეგ იყო ჩანაწერები გვარამიასთან, ბოკერიასთან. განცხადებები ამასთან დაკავშირებით. მე ვფიქრობ, რომ ეს არის ის, რასაც ჰქვია საქართველოში დაპირისპირებისა და კრიზისის სცენარი. ვფიქრობ, რომ ამ სცენარის ნაწილი იყო საკონსტიტუციო სასამართლოს მოსამართლეთა გარკვეული ნაწილის გადაწყვეტილება იმის თაობაზე, რომ „საარჩევნო კოდექსის“ დიდი ნაწილი ყოფილიყო არაკონსტიტუციურად აღირებული, შექმნილიყო პოლიტიკური კრიზისი. ვფიქრობ, ეს არის სცენარი. მე ამონაკრეფი გავაკეთე იმ ცნობებიდან და მასალებიდან, რაც ზედაპირზე დევს და ყველასთვის ცნობილია, მაგრამ არსებობს, ალბათ, უფრო დეტალურად გააზრებული ყველაფერი ის, რასაც მე სცენარი ვუწოდე და ვფიქრობ, ამის ნაწილია გივი თარგამაძის მანქანის აფეთქება“- განაცხადა ვოლსკიმ.