„ნინო ბურჯანაძე-დემოკრატიული მოძრაობა“ საპარლამენტო არჩევნების მეორე ტურს ემიჯნება. პარტია სააპელაციო სასამართლოს პასუხს ელოდება, სარჩელი 5 საარჩევნო ოლქის სხვადასხვა უბნებზე ხმების ხელახლა გადათვლას ეხება. ბურჯანაძის განცხადებით, საოლქო კომისიებში ხმები მმართველი ძალის მოთხოვნით არ დაითვალეს.

"ბიძინა ივანიშვილმა იცის, რომ ჩვენ ხმები მოგვპარა და თავის ჯიბეში გადაილაგა, სუს-ის ძალიან აქტიური და ძალიან ქმედითი ღონისძიებების შედეგად. ქვეყანაში სასამართლო აღარ არსებობს, არ არსებობს სამართლიანობის პოვნის არანაირი გარანტია, ქვეყანაში არჩევნები კარგავს აზრს. ქვეყანას აქვს მხოლოდ ორი გზა - ან ავტოკრატია ან რევოლუცია," - განაცხადა ნინო ბურჯანაძემ.