„არ აქვთ შუქი, არც წყალი, არც გაზი და საერთოდ არაფერი... ამ ორმოში აძინებენ შვილებს“...

სოც.მედია - 15:46, 14 Oct, 2016

6807

„ფოტოზე ბავშვების საძინებელს ხედავთ - ერთი ორი წლისაა, მეორე 3 თვის...“- წერს აკა სინჯიკაშვილი სოციალურ ქსელში და კეთილ ადამიანებს როგორც ყოველთვის, ამჯერადაც უპოვართა დასახმარებლად თანადგომას სთხოვს.
აკა სინჯიკაშვილი: „ამ რაღაც შენობაში ზურა და ინგა ცხოვრობენ ორი შვილით, არ აქვთ არც შუქი, არც წყალი, არც გაზი და საერთოდ არაფერი... ამ ორმოში აძინებენ შვილებს, იმიტომ რომ ერთადერთი ადგილია სადაც წყალი არ ჩამოდის ესაა. დღეს მივუტანე საჭმელი და ტანსაცმელი მაგრამ სადამდე ეყოფათ ვერ გეტყვით.
დავეხმაროთ რა, სამშენებლო მასალები და ელემენტარული რაღაცები სჭირდებათ. ზამთარში როგორ გაძლებენ აქ სითბოს გარეშე არც ეგ ვიცი. დავეხმაროთ ვინც როგორ შეძლებთ. დავაყენოთ ოჯახი ფეხზე, ძალიან კარგი ხალხია.
მოკლედ ვინც რას შევძლებთ
ანგარიშის ნომერი: თიბისი ბანკი
GE90TB7603845061100016
აკაკი სინჯიკაშვილი
თიბისი ფეიში მოძებნეთ "ქველმოქმედება" და შემდეგ პირველივეა "ჩვენ თვითონ მივხედოთ ერთმანეთს"
უცხო ქვეყნებიდან შეგიძლიათ გამოგზავნოთ გზავნილით.
Akaki Sinjikashvili

სტატუსის გამოქვეყნებიდან რამდენიმე ხანში აკას ფბ.გვერდზე ახალი სტატუსი ჩნდება
„ნახეთ რა ამბები დავატრიალეთ“ - ვკითხულობთ სოციალურ ქსელში.

აკა სინჯიკაშვილი: „მოვიდნენ ადამიანები, ტანსაცმელი გადავალაგეთ, ერთმანეთს ვეხმარებით და საქმეც გამოდის ხვალ და შემდეგი 2 კვირა ისევ გელოდებით გუდიაშვილის 5 ნომერში, ეროვნული ბიბლიოთეკის მეორე კორპუსში, ნებისმიერ დროს. მოიტანეთ ყველაფერი, ტანსაცმელი, ფეხსაცმელი, წიგნები, საოჯახო ნივთები, ყველაფერი რასაც თვლით რომ აღარ გჭირდებათ, სხვებს ძალიან სჭირდებათ.მადლობა დიდი ძალიან მეხმარებით.