ჟურნალისტი მარტვილის გამგეობის თანამშრომელს ფიზიკურ შეურაცხყოფაში ადანაშაულებს

პოლიტიკა - 10:12, 14 Oct, 2016

2325

ჟურნალისტ ლელა ფაილოძის განცხადებით, მას მარტვილის ცენტრში ფიზიკური შეურაცხყოფა მიაყენეს. მისი თქმით მას რამდენიმეთვიანი დაპირისპირება ჰქონდა მარტვილის გამგეობის კულტურის, სპორტისა და ახალგაზრდულ საქმეთა სამსახურის უფროს მურმან წოწორიასთან. ლელა ფაილოძის მტკიცებით, სწორედ წოწორია გაუსწორდა ფიზიკურად.

ლელა ფაილოძის თქმით , რომელიც ამჟამად ნაციონალური მოძრაობის რაიონული ორგანიზაციის პრესცენტრში მუშაობს, წოწორიამ ქუჩაში გავლისას ჯერ სიტყვიერი და შემდეგ ფიზიკური შეურაცხყოფა მიაყენა.

ლეილა ფაილოძის განცხადებით, პოლიციაში მის წინააღმდეგ საჩივარი მურმან წოწორიამ შეიტანა.

„ნაცვლად იმისა, რომ მე მივსულიყავი პოლიციაში, თავად მივიდა მარტვილის სამმართველოში და განცხადება შეიტანა ჩემს წინააღმდეგ“, - აცხადებს ლელა ფაილოძე.

როგორც ფაილოძე ყვება მათ შორის უთანხმოება მას შემდეგ დაიწყო, მან წოწორიას ლექსი გამოაქვეყნა სადაც იგი ბიძინა ივანიშვლს აუგად მოიხსენიებდა. ჟურნალისტი უკვე დაკითხა პოლიციამ. მას ასევე ჩაუტარდა ექსპერტიზა.

მარტვილის გამგეობის თანამშრომელი, მურმან წოწორია, ჟურნალისტებთან კომენტარს ჯერჯერობით არ აკეთებს.

მარტვილში მომხდარ ინციდენტზე გამოძიება ცემის მუხლით დაიწყო.