,,ვხედავ ალიანსში ყველას გაწევრიანების პერსპექტივას, ცალ-ცალკე ცურვა პარტიებს არ გამოადგებათ“

,,ვხედავ ალიანსში ყველას გაწევრიანების პერსპექტივას, ცალ-ცალკე ცურვა პარტიებს არ გამოადგებათ“ - კაციტაძე

პოლიტიკა - 17:34, 13 Oct, 2016

1456

გაერთიანება „პაატა ბურჭულაძე - სახელმწიფო ხალხისთვის“ არ დაიშლება. ლიდერებმა აღნიშნული გადაწყვეტილება კონსულტაციების შემდეგ მიიღეს, რომელიც დღეს საათნახევრის განმავლობაში მიმდინარეობდა.

გაერთიანებაში ასევე აცხადებენ, რომ კონკრეტულ გადაწყვეტილებებს ბლოკის არსებობის შესახებ არჩევნების მეორე ტურების დასრულების შემდეგ მიიღებენ:

„გუშინ იყო ინიციატივა ფორუმის მხრიდან, რომ გაკეთდეს რაღაც ერთობა. ვერ ვხედავ პერსპექტივას იმისას, რომ ერთ პარტიაში გაერთიანდეს ყველა, მაგრამ ვხედავ იმის პერსპექტივას, რომ რამე ალიანსში გაერთიანდეს ყველა. შარტავასთან უწყვეტი კომუნიკაცია მაქვს. მე მქონდა ადრეც და მექნება მომავალშიც ურთიერთობა სხვა პარტიებთან, მათ შორის რესპუბლიკელებთანაც, „თავისუფალ დემოკრატებთანც“ და ასე შემდეგ, ბუნებრივია ვინარჩუნებთ ძალიან მჭიდრო თანამშრომლობას, რა გამოდნება აქედან, ვფიქრობ, რომ დაშვებული შეცდომებიდან გამომდინარე გამოიტანს ყველა დასკვნას, შექმნილ ორპოლუსიან რეალობაში ცალკე ცურვა ქართულ პოლიტიკურ მდინარეში პარტიებს არ გამოადგებათ“, - განაცხადა კაციტაძემ.