ნათია ფანჯიკიძე: „მითქმა-მოთქმაა პარტიის ზოგიერთი "ფეისის" მთავრობაში მუშაობის შესახებ“

სოც.მედია - 16:19, 13 Oct, 2016

5587

„რადგან ეს კვირა მე ჩემი წილი პოლიტიკის პახმელია მაქვს, ერთ რამესაც დავწერ და ორშაბათიდან ჯანსაღ კვებაზე გადავდივარ“ - წერს ირაკლი ალასანიას მეუღლე ნათია ფანჯიკიძე და პოლიტიკასთან დაკავშირებულ მორიგ პოსტს „თავისუფალი დემოკრატების“ იმ წევრებს უთმობს, რომლებსაც მთავრობასთან კავშირში „ადანაშაულებენ“.
ნათია ფანჯიკიძე: „მითქმა-მოთქმაა პარტიის ზოგიერთი "ფეისის" მთავრობაში მუშაობის შესახებ, რაც ტყუილია თუ მართალი არ ვეძიებ. პირველი, რისი იმედიც მაქვს, სანამ პატიმრების უდანაშაულობას არ დაადასტურებს სასამართლო, მათი და მათი ოჯახების გამო, ღირებულების ბოლომდე დაცვის გამო, არ დაინიშნავს თავს არცერთი, - ამის მჯერა. მეორე, - პარტიაში რჩებიან მთავარი იდეოლოგები და ღირებულების მატარებელი თავები - შალვა შავგულიძე და ნინო გოგუაძე, ასე რომ ვისაც ეს პარტია მოსწონდა როდესმე, არანაირი კრიზისი არ იქმნება. მესამე, - ნებისმიერმა იმ ადამიანმა, ვისზეც მითქმა-მოთქმაა ატეხილი, სადაც არ უნდა იმუშაოს, ძვირფასია ჩემთვის, მათ ბევრი აქვთ გაკეთებული პარტიისთვის, მეგობრობისთვის, უსამართლობასთან ბრძოლისთვის და ჩემი მხრივ მათ ვუსურვებ ყველაფერს საუკეთესოს, სადაც და როგორც არ უნდა გადაწყვიტონ თავიანთი მომავალი საქმიანობა.