ევროპის საბჭოს საპარლამენტო ასამბლეამ უკრაინასთან დაკავშირებით ორი რეზოლუცია მიიღო. ასამბლეაზე დასასწრებათ დელეგაცია საქართველოდანაც იმყოფება. თუმცა, როგორც მამუკა ჟღენტი სოციალურ ქსელში წერს, ქართული დელეგაციის არცერთ წევრს რეზოლუციების მიღების ხმის მიცემის პროცედურებში მონაწილეობა არ მიუღია:

„გუშინ ევროპის საბჭოს საპარლამენტო ასამბლეამ მიიღო ორი რეზოლუცია უკრაინასთან დაკავშირებით. პირველი რეზოლუცია ეხება “უკრაინაში კონფლიქტის პოლიტიკურ შედეგებს” (Doc. 14130) და მეორე უკავშირდება “უკრაინის ხელისუფლების მიერ არაკონტროლირებად უკრაინულ ტერიტორიებზე ადამიანის უფლებათა დარღვევების სამართლებრივ საშუალებებს”.(Doc. 14139)

ეჭვგარეშეა, რომ ორივე რეზოლუცია უაღრესად მნიშვნელოვანია საქართველოსთვისაც. თუ რატომ, მგონი ამის ახსნა აუცილებელი არც არის. ევროპის საბჭოს საპარლამენტო ასამბლეის სესიაში მონაწილეობდა საქართველოს დელეგაციაც, ოპოზიციის გამოკლებით. საგულისხმოა, რომ არც რეზოლუციების ტექსტებში წადგენილ ცვლილებებზე და არც თვით რეზოლუციების დამტკიცების კენჭისყრაში საქართველოს დელეგაციის წარმომადგენლებს საერთოდ არ მიუღიათ მონაწილეობა. არჩევნებს თუ აპრავებდნენ მესმის. ამ შემადგენლობით ბოლო ვიზიტია და სტრასბურგიც საკმაოდ ლამაზად გამოიყურება და ღირს დასათვალიერებლად. ესაც მესმის. სეილები არ არის, მაგრამ შოპონგსაც გავიგებ. მაგრამ დავიჯერო ერთი დღე ერთმა წევრმა მაინც ვერ მოიცალა, რომ ხმის მიცემა დაეფიქსირებინა?! თუ ერთი დღით ჩავიდნენ და უკვე დაბრუნდნენ საქართველოში მაშინ ბოდიშს ვიხდი.

მესმის როგორც სტრასბურგსი სასამართლოში მოსამართლეთა სიის არდამტკიცებაზე, აქაც მოვისმენ რომ “ურხცვად შემყავს ყველა შეცდომაში”. მაგრამ, ამდენი ჟურნალისტია ვინც ენაც იცის და წვდომაც აქვს ინტერნეტთან, შებრძანდით ასამბლეის საიტზე და თვითონ დარწმუნდებით როგორ “ვცრუობ”, - წერს ჟღენტი.