"ლარის კურსის ცვლილებას არასწორი მოლოდინები და ერთჯერადი ტრანზაქციები იწვევს"

"ლარის კურსის ცვლილებას არასწორი მოლოდინები და ერთჯერადი ტრანზაქციები იწვევს" - გიორგი კაკაურიძე

პოლიტიკა - 15:30, 13 Oct, 2016

4210

ფინანსთა მინისტრის მოადგილის გიორგი კაკაურიძის თქმით, ბიუჯეტის ხარჯვას ლარის კურსის ცვლილებაზე გავლენა არ ჰქონია, ეროვნული ვალუტის ცვლილებას არასწორი მოლოდინები და ერთჯერადი ტრანზაქციები იწვევს.

,,ეროვნულ ბანკს ვეთანხმები, არსებობს ორი ფაქტორი, რაც ლარის კურსის ცვლილებაზე მოქმედებს. ერთია, არასწორი მოლოდინები, რომელიც გარკვეულმა ექსპერტებმა შექმნეს, თითქოს, არჩევნების შემდეგ ლარი კატასტროფულ ნიშნულამდე უნდა მისულიყო, რა თქმა უნდა, არასწორი მოლოდინების შექმნა ლარზე ზეწოლას იწვევს და ეს შემდეგ უფრო მაღალ კურსში აისახება და მეორეა, ერთჯერადი ტრანზაქციები, რომელიც ეროვნულმა ბანკმა ახსენა.

ეს ორი ფაქტორი გარკვეულ გავლენას იწვევს, თუმცა ცალსახად შემიძლია ვთქვა, რომ მაკროპარამეტრები, მათ შორის, სავაჭრო ბრუნვა, ქვეყანაში გადმორიცხვები, ტურიზმიდან შემოსავლები, გასულ წელთან შედარებით გაუმჯობესებულია“, - განაცხადა კაკაურიძემ პარლამენტის რამდენიმე კომიტეტის გაერთიანებულ სხდომაზე 2017 წლის სახელმწიფო ბიუჯეტის პროექტის განხილვისას.