საქართველოს ფინანსთა მინისტრი ლარის კურსის ცვლილებას ეხმაურება. სახელმწიფო მინისტრი მიიჩნევს, რომ ლარის გაცვლითი კურსი საშუალოვადიან პერსპექტივაში დასტაბილურდება და გამყარდება.

ნოდარ ხადური ოპონენტების განცხადებებსაც პასუხობს:

“პერსპექტივაში ჩვენ ნამდვილად ველოდებით გაცვლითი კურსის დასტაბილურებასა და გამყარებას. ეს არის მოკლევადიანი რყევები, მომავალი წელი გაცილებით უკეთესი იქნება და მეტ ეკონომიკურ ზრდას ველოდებით ვიდრე ეს თავიდან იყო დაგეგმილი. ამავე დროს ეროვნული ბანკიც და ყველა ვთანხმდებით, რომ ბოლო წლების განმავლობაში ბიუჯეტის ხარჯებს არ გამოუწვევია და არც შეეძლო გამოეწვია გაცვლით კურსზე ზემოქმედება. ამიტომ მე მოვუწოდებ ოპონენტებს, რომ ოდნავი ობიექტურობა შეინარჩუნონ,“-განაცხადა ნოდარ ხადურმა.