"ენმ-მ სააკაშვილი გამოიყენა და მიუახლოვდა ნახევარმილიონიან ნიშნულს"- დავით ბერძენიშვილი

პოლიტიკა - 10:11, 12 Oct, 2016

7093

„რესპუბლიკური პარტიის“ ერთ-ერთი ლიდერის დავით ბერძენიშვილის განცხადებით 8 ოქტომბრის არჩევნების შედეგად ყველაზე დამარცხებული და გამოკვეთილად მოტყუებული ადამიანი მიხეილ სააკაშვილია:

„ერთი გამოკვეთილად მოტყუებული, ყველაზე უფრო დამარცხებული და მიწაზე დანარცხებული ადამიანი 8 ოქტომბრის არჩევნებს ჰყავს, ესაა მიხეილ სააკაშვილი, რომელიც საფრთხობელად გამოიყენა ბიძინა ივანიშვილმა და რომელიც ასევე ხმების მოსაზიდად გამოიყენა ნაციონალურმა მოძრაობამ. ის რომ ნაციონალური მოძრაობამ მიხეილ სააკაშვილის სარფში ჩამოსვლის დეკლარირებით, ოდესაში ზღვის ფონზე სააკაშვილის გამოჩენით, ქალბატონი სანდრას დეკლარირებით, რომ ის გვირაბს გათხრის და ოდესიდან სოლოლაკში შემოვა, მოახდინა მობილიზება ნაციონალური მოძრაობის მოიმედე ამომრჩევლების და ჯამში, სწორედ სააკაშვილის ასე გამოყენებით, მიიღო 160 ათასზე მეტი ხმა, ვიდრე თვითმართველობის არჩევნებზე ჰქონდა და მიუახლოვდა ნახევარმილიონიან ნიშნულს. მეორე მხრივ, ბიძინა ივანიშვილმა იმდენი ილაპარაკა იმაზე, რომ სააკაშვილი საფრთხის მატარებელია, ივანიშვილმაც კარგად გამოიყენა სააკაშვილი. ასე რომ სააკაშვილი არის ყველაზე უფრო დამარცხებული სუბიექტი და გარიყული ქართული პოლიტიკური სივრციდან. დავით ბაქრაძე და გიგა ბოკერია აჰყვნენ თამაშში ბიძინა ივანიშვილს და ორივემ ერთად გამოიყენე მიხეილ სააკაშვილის პოლიტიკური გულუბრყვილობა და უმწიფარობა , სააკაშვილს დაავიწყდა პოლიტიკა და მისი პარტიის მძევალი და პარტიიდან გაგდებული აღმოჩნდა.“- განაცხადა დავით ბერძენიშვილმა.