"რუსთავი2" ყველა პროდასავლური პარტიის არხია და აქ ყველანი იქნებიან წარმოდგენილები- ნიკა გვარამია

პოლიტიკა - 09:58, 12 Oct, 2016

3866

"რუსთავი" 2-ის გენერალური დირექტორის ნიკა გვარამიას განცხადებით ტელეკომპანია პროდასავლურ პოლიტიკურ ძალებს კიდევ უფრო მეტ საშუალებას მისცემს, რომ საკუთარი სათქმელი ტელევიზიის მეშვეობით საზოფგადოებამდე მიიტანონ. გვარამიას თქმით რ2 არ არის არც მიხეილ სააკაშვილის და არც ენმ- არხი, არამედ ყველა პროდასავლური პარტიის არხია:

"ჩვენი მედიის როლი და განსაკუთრებით მთავარი პროდასავლური მედიის, ნაციონალური მედიებიდან ერთადერთი პროდასავლური მედიის როლი იქნება გადამწყვეტი. რუსთავი2-ის ფასმა აიწია 10-ჯერ იმიტომ, რომ რუსთავი2 დარჩა ერთადერთი ფანჯარა ევროპაში, სადაც ყველა ამ ადამიანმა, მათ შორის ნაციონალურმა მოძრაობამ იმიტომ, რომ პარლამენტში საუბარი ვერაფერს ვერ იზამს, თუ ეს ფართო ეთერებში არ მოხვდა.

"ნაციონალური მოძრაობის წევრებიც და სხვა პროდასავლური ძალები უნდა იყვნენ წარმოდგენილნი რუსთავი2-ზე, ეს პარტიები ყოველთვის იყვნენ და კიდევ უფრო ფართოდ იქნებიან წარმოდგენილები მომავალში. ეს არ არის არცერთი პოლიტიკური პარტიის და ლიდერის არხი. დღეიდან ჩვენ ყველაფერს გავაკეთებთ, რომ მინიმალური პრეტენზიის საშუალება მივცეთ ვინმეს იმის სათქმელად, რომ ეს ნაციონალური მოძრაობის ან მიხეილ სააკაშვილის არხია. ეს არის ყველა პროდასავლური პარტიის არხი და აქ ყველანი იქნებიან წარმოდგენილები," - აცხადებს გვარამია.