ვერ მივცემთ იმის ფუფუნებას, პარლამენტში არ შევიდეთ და ამით დავთმოთ ჩვენი ბრძოლა

ვერ მივცემთ იმის ფუფუნებას, პარლამენტში არ შევიდეთ და ამით დავთმოთ ჩვენი ბრძოლა - ბაქრაძე

პოლიტიკა - 22:16, 11 Oct, 2016

2688

„ერთიანი ნაციონალური მოძრაობის“ პოლიტსაბჭო დასრულდა, რომლის შედეგადაც გადაწყდა, რომ ენმ პარლამენტში შევა და მეორე ტურებშიც მიიღებს მონაწილეობას. დავით ბაქრაძემ გადაცემა „არჩევანში“ აღნიშნულ გადაწყვეტილებაზე ისაუბრა:

„ამ არჩევნებმა და განსაკუთრებით წინასაარჩევნო გარემომ ჩაიარა ბევრი დარღვევები, რამაც პირდაპირი გავლენა იქონია ჩაეტარებინა ჯანსაღი კამპანია, იყო კორცხელი, იყო დეპუტატის აფეთქება და ბევრი სხვა დარღვევა, რომლის შედეგადაც ბევრ ჩვენს მომხრეს და მეც მათ შორის გაუჩნდა ლეგიტიმური განცდა, რომ ეს არჩევნები და საარცევნო გარემო არ იყო სამართლიანი. მე კარგად მესმის იმ ადამაინების მოტივაცია, ვინც თვლიდა, რომ არ უნდა შევსულიყავით პარლამენტში. დღეს „ნაციონალური მოძრაობა“ დარჩა ერთადერთ პროდასავლურ ძალად და ოპოზიციად პარლამენტში. ნაციონალური მოძრაობა დღეს უნდა ნიშნავდეს უფრო მეტს ვიდრე ერთი კონკრეტული პარტია, ვინაიდან სწორედ ჩვენს პარტიაზე გადის დღეს ბრძოლის ხაზი, ვერ მივცემდით დღევანდელ ხელისუფლებას იმის ფუფუნებას, რომ უარი გვეთქვა პოლიტიკური ბრძოლის იმ არენაზე, როგორიც არის პარლამენტში, მარტო დარჩენენ და თავისი საქმე ჩუმად აკეთონ. ასე უნდა იქცეოდნენ პოლიტიკური პარტიები. ვიღებთ პოლიტიკური თამაშის წესებს. არ გავქვს იმის რესურსი, რომ უარი ვთქვათ საპარლამენტო ტრიბუნაზე, დებატებზე და ამით დავთმოთ ჩვენი ბრძოლა.

ნებისმიერი საპარლამენტო ოპოზიციის ამოცანაა, იყოს დებატებში ხელისუფლებასთან, შექმნას განწყობა საზოგადოებაში და ამ განწყობამ მოიტანოს ცვლილებები. საზოგადოებამ განვლილი წლების მანძილზე იხილა ძალიან ბევრი აქცია „ნაციონალური მოძრაობის“ მონაწილეობით, როდესაც ვსაუბრობთ პარლამენტის მნიშვნელობაზე, პოლიტიკური ბრძოლა იქნება გაშლილი მთელი სრული ფრონტით. პოლიტიკური ბრძოლა არის მრავალმხრივი, გამოვიყენებთ პოლიტიკური ბრძოლის ყველა კანონიერ მეთოდს, რათა დავარწმუნოთ საზოაგდოება იმაში, რომ ნაციონალურ მოძრაობას შეუძლია მათთვის უკეთესი მომავლის შექმნა“, - განაცხადა დავით ბაქრაძემ.