პრეზიდენტი არჩევნების დღეს მარნეულში მომხდარ ინციდენტს ეხმაურება და მას ცალკეულ კრიმინალურ შემთხვევად აფასებს. როგორც პრეზიდენტის პრესსპიკერმა ეკა მიშველაძემ აღნიშნა, ამ ინციდენტმა მთლიან საარჩევნო კლიმატზე გავლენა იქონია:

„მარნეულში ინციდენტთან დაკავშირებით, შინაგან საქმეთა სამინისტროს ჰქონდა მყისიერი და ეფექტური რეაგირება. უფრო ბევრი ექსცესი იყო ხმების დათვლის პერიოდში. პრეზიდენტმა საკუთარ განცხადებაშიც გაუსვა ხაზი ამ თემას და ცხადია, რომ ეს არის გამონაკლისი და აგრესიული შემთხვევები, რომლებიც არ არის ამომრჩევლის დაკვეთა და ზოგადად საარჩევნო კლიმატის განმსაზღვრელი თემა.

მთელი საარჩევნო პროცესის განმავლობაში პრეზიდენტი საუბრობდა იმაზე, რომ გარკვეულ პოლიტიკურ ძალებში არსებობდნენ აგრესიისკენ მიდრეკილი დაჯგუფებები და რომ საჭირო იყო ამ ჯგუფების მოთოკვა.

მარნეულის ინციდენტი პრეზიდენტის მიერ ფასდება, როგორც ცალკეული კრიმინალური შემთხვევა, რომელსაც სჭირდება სწრაფი და ეფექტური რეაგირება, განსაკუთრებით მაშინ, როდესაც წინ გვაქვს მეორე ტური“, - აღნიშნა ეკატერინე მიშველაძემ.