ნოდარ ებანოიძე გია ვოლსკის მიერ გაკეთებულ განცხადებას, სამომავლოდ შესაძლო თანამშრომლობაზე ეხმაურება. ებანოიძის განცხადებით, ვოლსკიმ უბრალოდ საკუთარი დამოკიდებულება დააფიქსირა:

„როგორც გავიგე, ბატონმა გიამ გასულ პერიოდზე ისაუბრა. ანუ, ამ მოწვევის პარლამნეტში ჩვენს თანამშრომლობაზე. ისედაც ერთ კოალიციაში ვიყავით და ეტყობა, ხაზი თანამშრომლობის კომფორტულობას გაუსვა. არ წამიკითხავს, რომ ეს რაიმე მომავალ თანამშრომლობას ეხებოდა. ადამიანმა თავისი დამოკიდებულება დააფიქსირა განვლილ პერიოდთან დაკავშირებით, მსგავსი რამ ვიკა დოლიძეზე, ვახტანგ ხმალაძესა და ჩემზე თქვა, მაგრამ ეს იმას არ ნიშნავს, რომ ჩვენ მომავალ თანამშრომლობაზე ვლაპარაკობთ“, - დასძინა ებანოიძემ.