"მე ვიქნები თითოეული თქვენგანის ხმა საქართველოს პარლამენტში“

"მე ვიქნები თითოეული თქვენგანის ხმა საქართველოს პარლამენტში“ - ზაქარია ქუცნაშვილი

პოლიტიკა - 12:26, 11 Oct, 2016

4905

მცხეთა-მთიანეთის ოლქში „ქართული ოცნება - დემოკრატიული საქართველოს“ მაჟორიტარობის კანდიდატმა ზაქარია ქუცნაშვილმა გაიმარჯვა. საქართველოში ყველაზე დიდი ოლქი მოიცავს 3 მუნიციპალიტეტსა (დუშეთი, თიანეთი, ყაზბეგი და ბაზალეთის დევნილთა დასახლება) და 425 სოფელს. ზაქარია ქუცნაშვილმა არჩევნების შემდეგ პირველი კომენტარი გააკეთა და ამომრჩევლებს ნდობისა და მხარდაჭერისათვის მადლობა გადაუხადა.

„8 ოქტომბერს ქართველმა ხალხმა კიდევ ერთხელ გააკეთა არჩევანი და დაამტკიცა, რომ ადამიანის ღირსება და თავისუფლება ჩვენი მოსახლეობის პრიორიტეტია. ჩვენ, კიდევ ერთხელ ვუთხარით არა ძალადობას, ადამიანის ღირსების შელახვას და შიშზე დამყარებულ ძალაუფლებას. ოთხი წლის წინ ჩვენმა საზოგადოებამ სრული მხარდაჭერა გამოუცხადა „ქართული ოცნების“ გუნდს, რომელმაც შეძლო და ქვეყანაში დაამკვიდრა დემოკრატიული პრინციპები, დღეს კი დავამტკიცეთ რომ ჩვენი არჩეული გზა, ჩვენი პოლიტიკური კურსი კვლავ ნდობით სარგებლობს მოქალაქეებში. ძალიან დიდ პასუხისმგებლობას ვგრძნობ დუშელების, თიანელების, ყაზბეგელებისა და მათ შორის ბაზალეთის დევნილთა დასახლების წინაშე, რომელთაც აირჩიეს ჩვენი ქვეყნისათვის, ჩვენი მომავალი თაობებისათვის ნათელი, მშვიდი და სტაბილური მომავალი, სადაც მთავარი პრიორიტეტი ადამიანია. მინდა იცოდეთ, რომ ჩემი მთავარი საზრუნავი თითოეული ადამიანის კეთილდღეობა იქნება, მე ვიქნები თითოეული თქვენგანის ხმა საქართველოს პარლამენტში“, - ზაქარია ქუცნაშვილი.