ჩოხატაურში დასუფთავების სამსახურის თანამშრომელს ავტომობილი დაეჯახა. შემთხვევა დუმბაძის ქუჩაზე, 08:00 საათზე მოხდა.

"ჯიპის" მარკის ავტომობილი, რომელიც დუმბაძის ქუჩაზე მოძრაობდა, საპირისპირო მხარეს გადავიდა და 40 წლის მამაკაც მეეზოვეს დაეჯახა.

ჩოხატაურის დასუფთავების სამსახურის უფროსის, მერაბ დოლიძის განცხადებით, დაშავებული ჩოხატაურის სამედიცონო ცენტრში გადაიყვანეს და მისი ჯანმრთელობის მდგომარეობა სტაბილურად მძიმეა.

მომხდარზე მიმდინარეობს გამოძიება. ჯერჯერობით დადგენილი არ არის, რა გახდა ავტოსაგზაო შემთხვევის მიზეზი.