დატოვეს თუ არა "თავისუფალი დემოკრატები" - ჩიქოვანი, ცაგარეიშვილი, აბაშიძე და დოლიძე კომენტარს არ აკეთებენ

პოლიტიკა - 10:08, 11 Oct, 2016

3142

დატოვეს თუ არა თავისუფალი დემოკრატები გია ცაგარეიშვილმა, ზურაბ აბაშიძემ, ვიქტორ დოლიძემ და ირაკლი ჩიქოვანმა? - ეს კითხვა ოთხივე მათგანის მხრიდან ამ დრომდე პასუხგაუცემელია. არც ერთი ლიდერი ჟურნალისტებთან ამ დრომდე არ გამოჩენილა.

არსებული ინფორმაციით, ოთხივე მათგანი "ქართულ ოცნებასთან" თანამშრომლობას გეგმავს, თუმცა ეს ფაქტი კატეგორიულად უარყო პარტიის აღმასრულებელმა მდივანმა.

თამარ კეკემაძე ირწმუნება, რომ დოლიძე, აბაშიძე, ჩიქოვანი და ცაგარეიშვილ ამ დრომდე თავისუფალი დემოკრატების გამგეობის წევრები არიან,

„ისინი რჩებიან გამგეობის წევრებად და ჩვენ ერთობლივად ვაგრძელებთ კონსულტაციებს თუ როგორ უნდა გააგრძელოს პარტიამ ფუნქციონირება. მე, როგორც თავისუფალი დემოკრატების აღმასრულებელი მდივანი, გამოვრიცხავ ნებისმიერი სახის თანამშრომლობას უმრავლესობასთან. შემდგომ უკვე მომავალში, თითოეული ადამიანი რა გადაწყვეტილებას მიიღებს, ეს მათი ინდივიდუალური გადაწყვეტილებაა“ - განაცხადა თამარ კეკენაძემ.

გუშინ ცნობილი გახდა, რომ "თავისუფალი დემოკრატების" უკვე ყოფილი ლიდერი ირაკლი ალასანია გორში მაჟორიტარული არჩევნების მეორე ტურში მონაწილეობას აღარ მიიღებდა, მეტიც სპეცალურ ბრიფინგზე ალასანიამ თქვა, რომ პოლიტიკიდანაც დროებით მიდის.