რუსეთის სათათბიროს დსთ-ს კომიტეტის თავმჯდომარის განცხადებას მმართველი გუნდის რიგებშ ეხმაურებიან. გია ვოლსკის განცხადებით, საქართველო ევროკავშირის ასოცირებული ქვეყანაა და ოკუპირებული ტერიტორიების გამო რუსეთთან დიპლომატიური ურთიერთობების აღდგენა გამორიცხულია:

"საქართველო არის ევროკავშირის წევრი ქვეყანა, მართალია ასოცირებული. ფაქტია, რომ სავაჭრო ხელშეკრულება არსებობს. თუმცა, ჩვენ რასაკვირველია, არ გამოვრიცხავთ, რომ ის მოლაპარაკებები, რომელსაც მხარს უჭერს ბრიუსელიც და ვაშინგტონიც, რუსეთთან მოლაპარაკებები მაქვს მხედველობაში, უნდა გაგრძელდეს. დიპლომატიური ურთიერთობები მაშინ, როდესაც დიპლომატიური წარმომადგენლები არსებობს ოკუპირებულ ტერიტორიებზე, სრულად გამორიცხულია," - აღნიშნა გია ვოლსკიმ.