„ერთიანი ნაციონალური მოძრაობის“ ბრძოლის სტრატეგია სავარაუდოდ დღეს გახდება ცნობილი. შევა თუ არა მთავარი ოპოზიციური პარტია პარლამენტში, ამის შესახებ განცხადებას პარტიის ლიდერები დღეს გააკეთებენ. აღნიშნულ საკითხზე მეორე დღეა აზრთა სხვადასხვაობაა. საბოლოო გადაწყვეტილებას პოლიტსაბჭოზე მიიღებენ.

გუში, დღის ბოლოს გამართულ ბრიფინგზე დავით ბაქრაძემ აღნიშნა, რომ შექმნილ ვითარებაში „ერთიანი ნაციონალური მოძრაობა“ ერთადერთ პოლიტიკურ ძალად ყალიბდება და შესაბამისად, ის წასვლას არსად არ აპირებს.

პარტიაში ნაწილი ფიქრობს, რომ პარლამენტის ტრიბუნა ნაცმოძრაობამ არ უნდა დაკარგოს.

"მიუხედავად იმისა, რომ ამ ვითარებაში, ამ მეთოდიკასთან, რასაც ჩვენს წინააღმდეგ იყენებენ, დაპირისპირება ძალიან ძნელია, მაინც უნდა ვიბრძოლოთ," - აცხადებს დავით დარჩიაშვილი.