„ნაციონალური მოძროაბის“ ლიდერის დავით ბაქრაძის თქმით შექმნილმა ვითარებამ ენმ ერთადერთ პროდასავლურ ოპოზიციურ ძალად ჩამოაყალიბა, ამიტომ მათიო ნებისმიერი ნაბიჯი კარგად უნდა იქნეს გააზრებული და მხოლოდ ორთქლის გამოშვებას და გულის მოფხანას არ უნდა ემსახურებოდეს. ბაქრაძის თქმით ენმ ბრძოლას აპირებს ყველა კანონიერი მეთოდით, მათ შორის პოლიტიკურ ინსტიტუტებშიც:

„შექნმნილი სიტუაცია ახალ რეალობას ქმნის სადაც ნაციონალური მოძრაობდა ყალიბდება ერთადერთ პროდასავლურ ოპოზიციურ ძალად . ენმ-ს მომავალი და წარმატება არა მხოლოდ ამ პარტიის და მისი მხარდამჭერების ბედს განსაზღვრავს, არამედ ნაციონალურ მოძრაობაზე გადის პოლიტიკური ბრძოლის ხაზი. საქართველოს მომავლისთვის, იმისთვის რომ ქვეყანაში არ დამყარდეს ერთპარტიული რეჟიმი და არსებობდეს განსხვავებული აზრი და ოპოზიცია. სწორედ ამიტომ მე და ჩემი გუნდი სრულიად ცალსახად ვაცხადებთ, ბრძოლა გრძელდება, ჩვენ არსად წასვლას არ ვაპირებთ, ბაგრძელებთ ბრძოლას და ამ ბრძოლაში ქართველ ხალხთან ერთად გავიმარჯვებთ. რაც შეეხება იმას, რა იქნება ბრძოლის მეთოდები, ყველას უნდა გვესმოდეს, რომ ამ ეტაპზე ნებისმიერი ნაჩქარევი გადაწყვეტილება შეიძლება იყოს მავნე საერთო პერსპექტივისთვის და ამ ბრძოლის მომავლსითვის. ყველას უნდა ესმოდეს რომ ჩვენ ვიმყოფებით ძალიან მნიშვნელოვანი პოლიტიკური ბრძოლის ახალ ეტაპზე და ნებისმიერი ნაჩქარევი , დაანონსებული, მოუფიქრებელი გადაწყვეტილება შეიძლება ემსახურებოდეს მხოლოდ ორთქლის გამოშვება, გულის მოფხანას და ამ ყველაფრით შეიძლება გააძლიეროს დღევანდელი ხელისუფლება. ჩვენ არ ვაპირებთ გულის მოფხანას და იმ ნაბიჯების გადადგმას, რომელიც ხელისუფლებას გააძლიერებს. პარტიის პოლიტიკური საბჭო მიიღებს გადაწყვეტილებას და მას წარმოგიდგენთ უახლოეს დღეებში. ჩვენ ვაგრძელებთ ბრძოლას და ამ ბრძოლაში გამოვიყენებთ ყველა კანონიერ მეთოდს, რომელიც ოიცავს, როგორც საპროტესტო აქციებს, ასევე პოლიტიკურ ინსტიტუტებში ბრძოლას და უცხოეთში ჩვენს პარტნიორებთან მუშაობას“- განაცხადა დავით ბაქრაძემ.