მიხეილ სააკაშვილის მიმართვა - ,,ახლა გვჭირდება გადაჯგუფება, ჩვენ აუცილებლად მოვაშორებთ საქართველოს ივანიშვილის რეჟიმს"

პოლიტიკა - 14:46, 10 Oct, 2016

11094

საქართველოს მესამე პრეზიდენტი მიმართვას ავრცელებს. მიხეილ სააკაშვილმა არჩევნების შედეგები შეაფასა და აღნიშნა, რომ იყო დაღვევები და ყველა დონის ადმინისტრაციში იყო მუშაობა წარმართული იმ შედეგის მისაღებად, რომელიც წინასწარ დააანონსა ბიძინა ივანიშვილმა.

უნდა ვთქვათ, რომ ძალიან ბევრი ხმა აიღო როგორც ნაციოანლურმა მოძრაობამ ასევე ივანიშვილის პარტიამ. არასწორია ქართველი ხალხის დადანაშაულება, რადგან ჩვენ პატივი უნდა ვცეთ ადამიანები არჩევანს. მაგრამ ივანიშვილი არ სცემს პატივს ნაციონალური მოძრაობის მხარდამჭერთა არჩევანს და ფეხქვეშ გათელა მათი უფლებები. მე ყურადღებით ვაკვირდებოდი ყველა ოლქს და განსაკუთრებით ზუგდიდს, სადაც ივანიშვილმა წინასარ ადაანონსა, რომ სანდრა ვერ გასულიყო. საბოლოო ჯამში საქმეში ჩართეს შევარდნაძისდროინდელი ბანდები, შენგელიას მეთუარობით, რომლებმაც დაარბიეს ის საარჩევნო უბნები, რომელშიც ყველაზე მეტი ხმები იყო მიღებული, ასე გაყალბდა ყველგან, კახეთში, აჭარაში, მათ შორის თბილისში, სადაც უფრო ადვილია კარუსელების ტრიალი, სადაც ხალხი ერთმანეთს არ იცნობს, როგორც ეს ზოგიერთ სოფელშია“- განაცხადა ექპრეზიდენტმა.

მისი თქმით, უახლოეს დღეებში უნდა მოხდეს ასეთი ფაქტების დოკუმენტურად დადება, საერთაშორისო სზოგადოებისთვის.

,,რაც შეეხება შემდგომ მოქმედებებს - ახლა არ არის ხელების ჩამოშვების დრო, ჩვენ ყველას კარგად გვესმის, რომ შემდგომი პერიოდი იქნება ძალიან რთული. ივანიშვილმა მოიპოვა დიდი საკონსტიტუციო უმრავლესობა, რაც ნიშნავს, რომ შეეცდება მისი გეგმების ამოქმედებას - პარლამენტის ქუთაისიდან თბილისში გადმოტანას, პრეზიდენტის პირდაპირი წესით არჩევის გაუქმებას, შეეცდება რუსთავი 2-ის მთელი მენეჯმენტის და სარედაქციო პოლიტიკის შეცვლას და ზოგადად მედიის კონტროლს. ამ სიტუაციაში ჩვენ გჭირდება გადაჯგუფება. ჩვენ ვართ ძალიან ბევრი და გავხდებით კიდევ უფრო მეტი და აუცილებლად მოვაშორბთ საქართველოს ივანიშვილის რეჟიმს.