"მძიმე დრო დადგა, დავბრუნდით საბჭოთა კავშირში"- გოგუაძე "თავისუფალ დემოკრატების" დაშლაზე

პოლიტიკა - 14:41, 10 Oct, 2016

6355

„თავისუფალი დემოკრატების“ ერთ-ერთმა ლიდერმა ნინო გოგუაძემ პარტიაში მიმდინარე ცვლილებებზე კონკრეტული კომენტარისაგან თავი შეიკავა და განაცხადა, რომ ყველაფერი ცნობილი ირაკლი ალასანიას საგანგებო ბრიფინგის დროს გახდება, თუმცა როგორ ნინო გოგუაძემ აღნიშნა, ქართულ პოლიტიკაში მძიმე დრო დადგა და ქვეყანა საბჭოთა კავშირში დაბრუნდა:

„პარტია რა თქმა უნდა გააგრძელებს მუშაობას, მე მგონია, რომ ძალიან მძიმე დრო დადგა. ჩემი აზრით დავბრუნდით საბჭოთა კავშირში და ყველამ უნდა გავიანალიზოთ და გავაანალიზოთ, როგორ სახელმწიფოში მოგვიწევს ცხოვრება და რა გამოსავლები არსებობს“ - განაცხადა ნინო გოგუაძემ.

შეგახსენებთ, გავრცელებული ინფორმაციით ირაკლი ალასანია ქართული პოლიტიკიდან მიდის, ის საკუთარ პარტიას „თავისუფალ დემოკრატებს“ ტოვებს. პარტია უკვე დატოვა გენერალურმა მდივანმა ალექსი პეტრიაშვილმა. გავრცელებული ინფორმაციით პარტიას ასევე ტოვებს ვიქტორ დოლიძე, ზურაბ აბაშიძე და გია ცაგარეიშვილი. ვრცელდება ინფორმაცია, რომ პოლიტიკიდან წასვლას აპირებს მაია ფანჯიკიძეც. თავისუფალ დემოკრატებში 15:00 საათზე საგანგებო ბრიფინგია ჩანიშნული.