უსუფაშვილი პროდასავლური, დემოკრატიული ძალების გაერთიანების მოწოდებით გამოდის

პოლიტიკა - 13:46, 10 Oct, 2016

6717

დავით უსუფაშვილის თქმით, ამომრჩეველმა არჩევნებზე ვერ იხილა ის პოლიტიკური პროდუქტი, რომელიც სჭირდებოდა და რომელიც სხვადასხვა პოლიტიკურ ძალებს შორის იყო გაბნეული. სწორედ ამას თვლის უსუფაშვილი იმსი მიზეზად, რომ ისეთი ძალები, როგორც „რესპუბლიკური პარტია“ და „თავისუფალი დემოკრატები“ არიან პარლამენტს გარეთ დარჩნენ. „რესპუბლიკური პარტიის“ ლიდერი შემდეგი პოლიტიკური ციკლის მთავარ ამოცანად სწორეს მსგავსი ღირებულებების მქონე პოლიტიკური ძალების ერთ სპექტრში გაერთიანებას თვლის:

"ამ არჩევნებზე ამომრჩეველმა ვერ იხილა ის პოლიტიკური პროდუქი, რომელიც ქვეყანას სჭირდება. ის პოლიტიკური პროდუქტი, რომელიც სხვადასხვა პოლიტიკურ ძალას შროის იყო გაბნეული, მაგრამ რომელსაც სჭირდება თავმოყრა. ამიტომ შემდგომი პოლიტიკური ციკლის ერთ-ერთი ამოცანა იქნება პოლიტიკურ სპექტრში იმ ძალების ერთობლივი ძალისხმევის გაერთიანება, რომლითაც ამ ქვეყნის დემოკრატიული არჩევანი თავისი შინაარსით, არსით წარმოუდგენიათ და არა მხოლოდ ფორმით." - განაცხადა უსუფაშვილმა.

უსუფაშვილი 2009 წელს „რესპუბლიკელების“ და „თავისუფალი დემოკრატების“ გაერთიანებას სწორ ნაბიჯად, 2011 წელს დაშლას კი შეცდომად აფასებს. მისი თქმით საჭიროა რომ მსგავსი პლატფორმის მქონე პოლიტიკურმა ძალებმა მეტი კონსოლიდირება მოახდინონ.“ - განაცხადა უსუფაშვილმა, მისი თქმით მას თავისი პარტიის შემდეგ , ყველაზე მეტად „თავისუფალი დემოკრატების“ პარლამენტში ვერმოხვედრა ეწყინა.