"დახურული თათბირი ნაციონალურ მოძრაობაში"- რას გეგმავს ოპოზიცია

პოლიტიკა - 13:34, 10 Oct, 2016

5890

მიიღებენ თუ არა "ნაციონალური მოძრაობის" მაჟორიტარები მონაწილეობას მეორე ტურში და რა გეგმები აქვთ მანდატებთან დაკავშირებით - საზოგადოება ენმ-ს გადაწყვეტილების მოლოდინშია. ამ ეტაპიათვის ჟურნალისტებისთვის მხოლოდ ის გახდა ცნობილი, რომ ენმ-ს ოფისში გუშინ გვიან ღამით დახურული თათბირი ჩატარდა, თუმცა, კონკრეტული გადაწყვეტილება ამ დრომდე არ გახმაურებულა.
ვრცელდება ინფორმაცია, რომ პარტიის ლიდერებმა სამოქმედო გეგმასთან დაკავშირებით გადაწყვეტილება შესაძლოა, დღეს პოლიტსაბჭოს სხდომაზე მსჯელობის შემდეგ გაახმოივანონ, თუმცა როგორც "ნიუპოსტს" პარტიაში უთხრეს დღის წესრიგში პოლიტსაბჭოს სხდომის გამართვა არ დგას.
საზოგადოებას ყველაზე მეტად აინტერესებს მიიღებენ თუ არა "ნაციონალური მოძრაობის" მაჟორიტარები მონაწილეობას მეორე ტურშ, მონაწილეობა და რა გეგმები აქვთ მანდატებთან დაკავშირებით. ამ დრომდე მოკლე კომენტარი გააკეთა პარტიის მხოლოდ ერთმა წარმომადგენელმა. სერგო რატიანი ჟურნალისტებთან ამბობს, რომ "არჩევნების ლეგიტიმურობასთან დაკავშირებითს სერიოზული კითხვებია"
„მიმდინარეობს პარტიის შიგნით მსჯელობა, ვმსჯელობთ, როგორი იქნება ჩვენი შემდგომი ნაბიჯები. ყველასთვის სრულიად ცხადია, დღეს ქვეყანაში, რომ ის არჩევნები, რომელიც ჩაატარა ბიძინა ივანიშვილმა, შედეგები არ გამოხატავს ხალხის ნებას და ვერ ჩაითვლება ლეგიტიმურად. ბიძინა ივანიშვილს სურს საქართველო გადააქციოს შეზღუდული პასუხისმგებლობის საზოგადოებად. ჩვენ დავფიქრდებით თუ რა გზა უნდა ავირჩიოთ და რა ნაბიჯები უნდა გადავდგათ“ - განაცხადა სერგო რატიანმა.