პატრიოტთა ალიანსმა შესაძლოა ბარიერი გადალახოს - ISFED-ის პარალალური დათვლის შედეგები

პოლიტიკა - 10:13, 09 Oct, 2016

3746

სამართლიანი არჩევნების აღმასრულებელმა დირექტორმა მიხეილ ბენიძემ არჩევნების მედიაცენტრში ბრიფინგი გამართა, რომელზეც ხმების პარალელური დათვლის შედეგები წარმოადგინა. სამართლიანი არჩევნების მიერ ჩატარებული პარალელური დათვლის მიხედვით, ბარიერის ლახავს ორი პარტია, „ქართული ოცნება“ და „ნაციონალური მოძრაობა“, ხოლო მესამე პარტია, რომელიც ბარიერის გადალახვის ზღვარზეა არის პატრიოტთა ალიანსი, რომლის შედეგებიც 4.6%-5.2%-ს შორის მერყეობს. პარალალური დათვლის შედეგები შემდეგია:

"პაატა ბურჭულაძე - სახელმწიფო ხალხისთვის" 3.2%- 3.6%

"ერთიანი ნაციონალური მოძრაობა" 25.9%-27.7%

"უსუფაშვილი - რესპუბლიკელები" 1.4%- 1.6%

"დავით თარხან-მოურავი, ირმა ინაშვილი - საქართველოს პატრიოტთა ალიანსი, გაერთიანებული ოპოზიცია" 4.6%-5.2%

"შალვა ნათელაშვილი - საქართველოს ლეიბორისტული პარტია" 2.9%- 3.3%

"ირაკლი ალასანია - თავისუფალი დემოკრატები" 4.3%- 4.9%

"ქართული ოცნება - დემოკრატიული საქართველო" 48.2%- 50%

„სამართლიანი არჩევნების“ დაკვირვების შედეგად, ხმის დათვლის პროცესში რამდენიმე საარჩევნო უბანზე ადგილი ჰქონდა მნიშვნელოვანი ტიპის დარღვევებს, მათ შორის ძალადობის ფაქტებს, რამაც ამ უბნების შედეგების ბათილობის საკითხი დააყენა. მიუხედავად აღნიშნულისა, ხმების პარალელური დათვლის საფუძველზე მიღებული მონაცემებით, შეგვიძლია განვაცხადოთ, რომ ხმის დათვლის პროცესშიგამოვლენილი დარღვევები იყო ცალკეული იზოლირებული შემთხვევები და მას არ შეიძლება არსებითი გავლენა ჰქონოდა პროპორციული სისტემით ჩატარებული არჩევნების შედეგებზე" - აცხადებს ISFED