ქალაქ ქუთაისში 90-ე საარჩევნო უბნის მიმდებარე ტერიტორიაზე ქართველ ჟურნალისტებს ფიზიკური შეურაცხყოფა მიაყენეს.

იბერიის, GDS-ის და სხვა ტელეკომპანიის წარმომადგენლებს სიტყვიერი და ფიზიკური შეურაცხყოფასთან ერთად კამერებიც დაუმტვრიეს.

დაპირისპირება მას შემდეგ დაიწყო, რაც ქუთაისის 90-ე უბანზე ქართული ოცნების მხარდამჭერები მივიდნენ, რომელთაც დიასპორების საკითხებში სახელმწიფო მინისტრის მოადგილე, რატი რეგაძეც, ახლდა. მათ ჟურნალისტებს გადაღების შეწყვეტა მოსთხოვეს, რასაც ფიზიკური ანგარიშსწორება მოჰყვა.