ჯიხაშკარში მომხდარი დაპირისპირების გამო ხმების დათვლის პროცესი ჩაიშალა. მომხდარზე "ნაციონალური მოძრაობის" წევრი თენგიზ გუნავა საუბრობს.

მისი თქმით, საარჩევნო უბანზე, სადაც ხმების დათვლის პროცესი უნდა დაწყებულიყო, 100-ზე მეტი ადამიანი შევარდა და საარჩევნო ყუთი დაამტვრია.

„100 კაცამდე შევარდა და ხმის დათვლის პროცესი ჩაიშალა, როდესაც მიხვდნენ, რომ აგებდნენ. როგორც ჩანს, თავიდანვე ჰქონდათ მობილიზაცია. პოლიცია ყველგან დგას, მაგრამ რატომღაც ახლოს არ მივიდნენ. რა თქმა უნდა, მთავრობას ეკისრება პასუხიმგებლობა. დაამტვრიეს საარჩევნო ყუთი. 100-ზე მეტი ადამიანი იყო და ეტყობა, წინააღმდეგობა ვერ გაუწიეს. ამ წუთებშიც შეხლა-შემოხლაა. აუცილებელია, სამართალდამცავებმა მოახდინონ რეაგირება,“-განაცხადა თენგიზ გუნავამ.