„რესპუბლიკური პარტიის“ ლიდერი საპარლამენტო არცევნების ხმის მიცემის პროცედურის დასრულების შემდეგ პირველ კომენტარს აკეთებს და აცხადებს, რომ „რესპუბლიკურ პარტიას“ უკეთესი შედეგები აქვს, ვიდრე ამას ეგზიტპოლები წინასწარმეტყველებენ:

„პირველ რიგში გისურვებთ მშიდობიან ღამეს და მშვიდობიან დილას. ვინაიდან ძალიან მნიშვნელოვანი ღამე და დილაა, ახლა, როდესაც ჩვენ ვსაუბრობთ საქართველოს მთელ ტერიტორიაზე, 3 700-მდე საარჩევნო უბანში მიმდინარეობს ხმების დათვლა, ამ საქმით დაკავებულია ათასობით კომისიის წევრი, დამკვირვებელი და მე მინდა პირველ რიგში მათ მივმართო, ყველაფერი იღონონ, რომ აბსოლუტურად ადეკვატურად იყოს ასახული არჩევნების შედეგებში ის, რაც საქართველოს მოქალაქეებმა გადაწყვიტეს, დაითვალოს ყველა ბიულეტენი, შეჯამდეს შედეგები, შედგეს ოქმები და ჩვენ ცენტრალური საარჩევნო კომისიისგან მივიღოთ არჩევნების წინასწარი შედეგები. ამ მომენტამდე მე, როგორც „რესპუბლიკური პარტიის“ წარმომადგენელი არანაირ კომენტარს არ ვაკეთებ არჩევნების შედეგებთან დაკავშირებით, ეგზიტპოლები, სხვა ყველა მოვლენა, ეს არის შესაძლოა საინტრესო იმისთვის, რომ ვიფიქროთ რა ტენდენციებია, მაგრამ კონკრეტულ შედეგებზე ჩვენ უნდა ვისაუბროთ მას შემდეგ, რაც უფლებამოსილი საარჩევნო ადმინისტრაციის ორგანოებისგან გვექნება მონაცემები.

ამიტომ დღეს მე არ და ვერ გავაკეთებ ვერანაირ პოლიტიკურ შეფასებას იმის თაობაზე, ვინ არის პარლამენტში, რა კომპოზიციის იქნება საკანონმდებლო ორგანო, რის გამო ხდება ის, რომ ვიღაცა შედის პარლამენტში, ვიღაცა ვერ შედის. ანსაერთოდ როგორ წარიმართა წინასაარჩევნო კამპანია, ამ ყველაფერზე მოგახსენებთ ხვალ, პოლიტიკურ პროცესებზე. დღეს მინდა შევეხო მხოლოდ ტექნიკურ საკითხებს და მინდა კიდევ ერთხელ, ყველა პოლიტიკოსს, ყველა პარტიას ვტხოვო, რომ საარცევნო საკითხებში დაიცვან საარჩევნო კანონმდებლობა. დავიცვათ თითოეული ხმა, დავიცვათ ყველა პარტიის ხმა ტანაბრად. რესპუბლიკურ პარტიას აქვს უკეთესი შედეგები, ვიდრე ამას გვიწინასწარმეტყველებენ სხვადასხვა ეგზიტპოლები“, - განაცხადა დავით უსუფაშვილმა.