"მივმართავ თამარ ჟვანიას, ხმების დათვლის პირდაპირი ეთერი არავითარ შემთხვევაში არ გაათიშინოთ"- ნიკა მელია

პოლიტიკა - 22:34, 08 Oct, 2016

12087

„ერთიანი ნაციონალური მოძრაობის“ ერთ-ერთმა ლიდერმა ნიკა მელიამ საგანგებო ბრიფინგი გამართა და ცენტრალური საარჩევნო კომისიის თავმჯდომარეს თამარ ჟვანიას მოუწოდა, არ მოახდინოს საარჩევნო უბნებზე ხმების დათვლის პროცესების პირდაპირი ტრანსლაციის შეჩერება. ნიკა მელიას თქმით, იმ უბნებზე საიდანაც ხმების დათვლსი პროცესი ფეისბუკზე პირდაპირ ეთერში გადაიცემა, ნაციონალური მოძრაობა იგებს:

„არაორდინალურ ვითარებასთან გვაქვს საქმე , ყოველწუთიერი ინფორმაცია შემოდის ჩვენთან, სადაც უამრავ ქალაქში და სოფელში „ქართულ ოცნებას“ პირწმინდად აქვს წაგებული, ხონში, ბაღდადში, წყალტუბოში, საგარეჯოში ფოთში თელავში, ჩვენ კი პირწმინდად გვაქვს მოგებული. მაგრამ მთავარი სათქმელი მინდა მივაწვდინო ცესკოს თავმჯდომარეს, ჩვენ ხმების დათვლის პროცესი გვაქვს პირდაპირ ეთერში, ფეისბუკის მეშვეობით და ამ უბნებს ჩვენ ვიგებთ, მაგალითად ვაკის #2 ოლქის დათვლის ტრანსლაცია ამ წუთებში მიმდინარეობს, ცესკომ შემოთვალა სარჩევნო ადმინისტრაციის მეშვეობით, რომ ჩვენი კომისიის წევრებს დათვლის პროცესის პირდაპირი ეთერით გადმოცემა აეკრძალოს. სად ხედავენ დარღვევას, სად წერია, რომ ეს დარღვევაა და რატომ ცდილობემ რომ გამჭვირვალობა აიკრძალოს? მინდა მივმართო თამარ ჟვანიას არავითარ შემთხვევაში არ გაათიშინოთ პირდაპირი ეთერი. ნათელია რა უნდოდა ივანიშვილს ამ შედგებების გამოცხადბით, მას უნდოდა ჩვენი და სხვა ოპოზიციური პარტიების დამკვირვებლები გაეტეხა ამ გამოცხადებული საოცარი პროცენტით და იფიქრა რომ ფარხმალს დავყრიდით“- განაცხადა ნიკა მელიამ და მხარდამჭერებს ხმების დაცვისკენ მოუწოდა.