ოზურგეთში თვითმხილველების ინფორმაციით, ყველა საარჩევნო უბნის წინ "ქართული ოცნების" მიერ მობლიზებულ მიკროავტობუსები დგას. როგორც "გურიის მოამბეს" ოპოზიციიდან აცნობეს, ქართული ოცნება დილის რვა საათიდან, მთელი საარჩევნო პროცესის განმავლობაში დაქირავებული აქტივისტების მეშვეობით, საარჩევნო უბენბში "სომხურ კარუსელს" ანხორციელებს.

მათივე მტკიცებით, მიდინარეობს ამორჩევლების მოსყიდვა გარკვეული საფასურის სანაცვლოდ. ოპოზიცია მოუწოდებს "ქართულ ოცნებას" და არჩილ თალაკვაძეს, არსებულ დარღვევებზე სასწრაფო რეაგირება მოახდინონ.

"გურიის მოამბემ" გავრცელებული ინფორმაცია ოზურგეთის საარჩევნო უბნებში უკვე გადაამოწმა, საინფორმაციო სააგენტოს წარმომადგენელი ექადიისა და ანასეულის საარჩევნო უბნების, სამარშუტო ტაქსებში მსხდომ ქალბატონებს გაესაუბრა. ისინი არ მალავენ და ადასტურებენ, რომ მართლაც "ქართული ოცნების" მხარდამჭერები, აგიტატორები და კოორდინატორები არიან. თუმცა კატეგორიულად უარყოფენ ე.წ. "სომხურ კარუსელს" და აღნიშნავენ, რომ ისინი თავიანთი მხარდამჭერების დასწრებას მხოლოდ სპეციალური სიებით ამოწმებენ.