პარტია „ქართულ ოცნებას“ ზეწოლაში ადანაშაულებს ნაძალადევის საარჩევნო ოლქის დამოუკიდებელი მაჟორიტარობის კანდიდატის თამარ იარაჯულის, შტაბის ხელმძღვანელი მიხეილ ჭითაშვილი.

ჭითაშვილის განცხადებით საარჩევნო უბნებთან პარტია „ქართული ოცნების“ მხარდამჭერები არიან შეკრებილები და უბანზე მისულ ამომრჩევლებს შემდეგი ფრაზით მიმართავენ "ხომ გახსოვთ ხმა ვის უნდა მისცეთ."

მაჟორიტარი დეპუტატობის დამოუკიდებელი კანდიდატის თამარ იარაჯულის შტაბში ამტკიცებენ, რომ ნაძალადევის მეთვრამეტე ოლქის 32-ე საარჩევნო უბანზე ხმის მიცემის პროცედურა მარკირების აპარატის გარეშე მიმდინარეობს, ამავე უბანზე კი ქართული ოცნების ერთდროულად ორი წარმომადგენელი იმყოფებოდა.