საქართველოს თავდაცვის მინისტრი ლევან იზორია გივი თარგამაძის ავტომობილის აფეთქების საქმის გახსნის ფაქტს ეხმაურება. „ნიუპოსტის“ კორესპონდენტის ცნობით, მინისტრმა განაცხადა, რომ ამ დროისათვის ბრალდებულის დასაკავებლად ინტენსიური სამუშაოები მიმდინარეობს:

"ბოლო დღეების განმავლობაში სამართალდამცავი ორგანოები ინტენსიურად მუშაობდნენ, თქვენ იხილეთ კონკრეტული მტკიცებულებები, რომელიც ცხადყოფს კონკრეტული პიროვნების ბრალეულობას და სავარაუდოდ, სწორედ ის არის მონაწილე ამ დანაშაულში. ბუნებრივია, გამოძიება გაგრძელდება. ახლა მიმდინარეობს ინტენსიური ღონისძიებები მისი დაკავებისთვის, მიმდინარეობს ასევე ძებნის ოპერაცია, ასე, რომ საზოგადოება უფრო მეტ ინფორმაციას მიიღებს ახლო მომავალში", - აღნიშნა ლევან იზორიამ.