გია ცაგარეიშვილმა უბნებზე მომხდარ დარღვევებზე ისაუბრა

პოლიტიკა - 10:49, 08 Oct, 2016

1185

,,თავისუფალი დემოკრატები“ ვართ სრულ მზადყოფნაში. უბნებზე არიან ჩვენი დამკვირვებლები, ჩვენ დავიცავთ ჩვენს ყველა ხმას“, განაცხადა ,,ირაკლი ალასანია - თავისუფალი დემოკრატების“ პრესსპიკერმა თამარ ამაშუკელმა პარტიის ოფისში გამართულ ბრიფინგზე.

თავისუფალმა დემოკრატებმა მოუწოდეს საქართველოს მოსახლეობას და კიდევ ერთხელ შეახსენეს მათ, რომ დღეს საქართველოს ისტორიაში არის უმნიშვნელოვანესი დღე, რომ დღეს ძალაუფლება გადადის ხალხის ხელში, რომ თითოეული მათგანის ხმას აქვს გადამწყვეტი მნიშვნელობა.

,,დღეს თქვენ მიდიხართ არა რომელიმე პარტიის მხარდასაჭერად, არამედ თქვენი უკეთესი მომავლის შესაქმნელად. ნუ დარჩებით სახლში, ნუ დარჩებით ამ პროცესის მიღმა. მიდით და შემოხაზეთ ის, ვინც თქვენ შეგიქმნით უკეთეს მომავალს. ჩვენ, ,,თავისუფალი დემოკრატები“ ვართ სრულ მზადყოფნაში. უბნებზე არიან ჩვენი დამკვირვებლები, ჩვენ დავიცავთ ჩვენს ყველა ხმას“, განაცხადა თამარ ამაშკელმა.

პარტიის საარჩევნო შტაბის ხელმძღვენლმა გიორგი ცაგარეიშვილმა ბრიფინგზე ისაუბრა იმ კონკრეტულ დარღვევებზე, რომელიც უკვე დაფიქსირდა საარჩევნო უბნებზე.

"ზოგიერთ უბანზე უკვე დაფიქსირდა რამდენიმე დარღვევა, რის შესახებაც უკვე არის შემოსული ინფორმაცია. ქობულეთის #71, #81 , #74 უბანში არ შეუშვეს ჩვენი წარმომადგენელი ფართის სიმცირის გამო. ქობულეთის ასევე #71, #81, # 58 უბანზე ხმა მიაცემინეს ისეთ ამომრჩეველს, რომელიც არ იყო ადგილზე რეგისტრირებული, ასევე ლაგოდეხში #26, #15, #9 უბანზე ქართული ოცნების წევრი და ნაკადის მომწესრიგებელი არ ამოწმებს მარკირებას და ეს იყო აღკვეთილი დაუყოვნებლივ. ასვე სარეგისტრაციო მასალა გამოკრულია კენჭისყრის შენობის სამგორის #11.06.88 და #11.06.90 უბანზე. დარღვევა აღმოფხვრილია ჩვენს მიერ მისი დაფიქსირებისთანავე. გლდანის #22 მაჟრიტარულ უბანში 07:00 საათამდე იმყოფებოდნენ კენჭისყრის შენობაში კომისიის წევრები მაშინ, როდესაც იმ ტერიტორიაზე გადაადგილების უფება არ აქვთ. როგორც ხედავთ ეს საგანგაშო დარღვევები არაა, მაგრამ გვაქვს იმედი რომ უარეს დარღვევებს ვერ ვნახავთ. რაც მთავარია არის გაცილებით მშვიდი გარემო, ვიდრე ეს იყო 2012 წლის საპარლამენტო არჩევნების დროს“- განაცხადა გიორგი ცაგარეიშვილმა.