„ერთიანი ნაციონალური მოძრაობის“ წევრმა ნიკა მელიამ საკუთარი არჩევანი მთაწმინდის მე-6 საარჩევნო უბანზე გააკეთა. როგორც მელიამ ჟურნალისტებტან საუბრისას აღნიშნა, მან ხმა არაფორმალური მმართველონის წინააღმდეგ მისცა:

„ხმა უკეთეს ხვალინდელ დღეს მივეცი, მომავალი თაობების, ჩემი შვილის სანდროს კეთილდღეობით აღსავსე ცხოვრებას. ამავე დროს, შეუძლებელია, ამ ყველაფრის სურვილი გქონდეს და ქვეყანაში არაფორმალური მმართველობა იყოს. პირველ რიგში, არაფორმალური მმართველობის წინააღმდეგ მივეცი ხმა. ამის შემდეგ შეგვიძლია იმ ნათელ მომავალზე საუბარი, რომელიც თქვენ, ჩვენ და საზოგადოების უდიდეს ნაწილს სურს“, - განცახდა ნიკა მელიამ.