ბათუმის 69-ე ოლქის ნომერ პირველ უბანზე საპატრულო პოლიცია გამოიძახეს. უბნის თავმჯდომარემ მაია ბლადაძემ ჟურნალისტებთან საუბრისას აღნიშნა, რომ „ერთიანი ნაციონალური მოძრაობის“ დამკვირვებელი საარცევნო პროცესს ხელს უშლიდა, პატრულის გამოძახების მიზეზი სწორედ ეს გახდა.

ბლადაძის განცხადებით, დილის 8:00 საათზე პროცედურების დაცვით გაიხსნა უბანი, „ნაციონალური მოძრაობის“ წარმომადგენელი კი ფსიქოლოგიურ ზეწოლას ახდენდა და ყვირილით ცდილობდა საარჩევნო პროცესის შეფერხებას:

„დილით, 8:00 საათზე პროცედურების დაცვით გავხსენით უბანი. "ნაციონალური მოძრაობის" წარმომადგენელი ფსიქოლოგიური ზეწოლას ახდენდა, ჩხუბით, ყვირილით ცდილობდა საარჩევნო პროცესის შეფერხებას. კომისიის საქმიანობაში ერეოდა და ხელს უშლიდა იმ პროცედურებს, რაც წინ გველოდებოდა. საათნახევარი გრძელდებოდა ეს და ბოლოს ყოველგვარ ზღვარს გადავიდა, ამომრჩევლებზეც ახდენდა უკვე გავლენას და გამოვიძახე პოლიცია", - აღნიშნა მაია ბლადაძემ.