საქართველოს თავდაცვის ყოფილი მინისტრი და „რესპუბლიკური პარტიის“ მაჟორიტარობის კანდიდატი თინა ხიდაშელი წინასაარჩევნო გარემოს ხარვეზებზე საუბრობს.

ხიდაშელის განცხადებით, საარჩევნო კამპანიის მიმდინარეობისას ხელისუფლების მხრიდან ადმინისტრაციული რესურსების გამოყენებას ჰქონდ ადგილი. იგი ასევე ეხმაურება ირაკლი ოქრუაშვილზე თავდასხმის ფაქტს და მას 2016 წლის არჩევნების დამაზიანებელ შემთხვევას უწოდებს. რაც შეეხება „ერთიანი ნაციონალური მოძრაობის“ წევრის გივი თარგამაძის ავტომობილის აფეთქებას, ამ ყოველივეს კრიმინალთან ბრძოლაში ხელისუფლების დამარცხებად აფასებს:

“ირაკლი ოქრუაშვილზე თავდასხმის ფაქტი არის ყველაზე უფრო მძიმე ფურცელი ამ საარჩევნო კამპანიის დროს. ვიცით ვინ იყვნენ თავდამსხმელები, მან თავად ამოიცნო და ეს ადამიანები ამას არ უარყოფენ, ისინი დაკავებულები არიან და სრულიად ცალსახაა რასთან გვაქვს საქმე. თარგამაძის შემთხვევაში ჩვენ ასეთი სიცხადე არ გვაქვს. სინამდვილეში რა მოხდა ჩვენ არ ვიცით, მაგრამ თავისთავად იმისთვის ჰყავს ქვეყანას უსაფრთხოების სამსახურები, რომ პრევენციული ღონისძიებები ჰქონდეს გატარებული. კონკრეტული სახელისუფლებო უწყება, რომელიც პასუხისმგებელია ქვეყანაში უსაფრთხოებაზე, მორიგ ჯერზე დამარცხდა კრიმინალთან ბრძოლაში,“ - განაცხადა თინა ხიდაშელმა.